MARKUS 3:25 - Alkitab Singog In Mongondow Masa In Tanaa

²⁵ Ande, aka motoḷuadí diá motobatú bo mosisaturuan doman yo mogoguyaatbí in motoḷuadí tatua.

MARKUS 3:25 Mawu Ofanana

KINOBAḺIAN 37:4

Naonda in ki guya-guyang mita i Yusup nokoontong kon ki Yusupbí in kotabi-tabi amá monia, noyaatdon in gina monia kon i Yusup, dapot in mosia doídon mongonguman tumompiamai takinnea.

MAZMUR 133:1

Dondong i Daud mayá in Baḷoi Tuhan. Totuu mopia bo mosanang, aka umat i Allah mobiag mototabian!

MARKUS 3:24

Sin aka tobatú dodatuan bo mosilai mokolo-kolompó inta mososaturuan, yo diábí mononoi in dodatuan tatua.

MARKUS 3:26

Dá natuabí doman kon bonu in dodatuan in Ibilis aka mosia mosisaturuan bo moyosilai, diábí doman monahang moonggot bo moyoyang.

GALATIA 5:15

Táe aka moiko bo moibog mosi kamburungan ande mosi ḻimodan, yo kopopia sin dikabo moiko in tumpaḷa moyoyang.

YAKOBUS 3:16

Kon onda in oyúon intoi bo sipat inta tongá morai kon kopontingan tontaní, yo kon tua oyúon domandon in ropatoi bo bayongan in oaid inta moraat.