MARKUS 3:23 - Alkitab Singog In Mongondow Masa In Tanaa

²³ Dá ki Yesus nogoiní kon intau inta mobayong tua bo nongonguman kon poumpamaan mita. Kai-Nia, “Uḻe, diábí kumaan kon akaḷ aka dimukud moraat moguntun kon dimukud doman moraat.

MARKUS 3:23 Mawu Ofanana

MAZMUR 49:4

Akuoi in mopoyaputbí in tosingogon mita inta mobijaksana, onu in kon raianku naa totuubí modaḷom.

MATIUS 13:3

Bo mobarong in sinundú-Nea kon i monia táe nomaké in poumpamaan. Sia in nongonguman nanaa. “Tobatú intau monononggobá minayá bo nogambor.

MATIUS 13:34

Tua komintan sinundú i Yesus kon intau moantó tongá nomaké in poumpamaan. Bo Sia in notundú diábí in diá nomaké in poumpamaan.

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

MARKUS 12:1

Noiduduimai kon tua ki Yesus mulaidon bui nosingog takin nomaké in poumpamaan kon imang mita itoi, guru mita in agama bo itoi mita intau Yahudi. Kai-Nia, “Oyúon tobatú intau nomuḷa kon anggur kon gobánea. Gobá tatua iḻibunea sinondok. Bo pinogaidannea doman kon tampat pomomugutan kon bungai in anggur. Sia nogaid doman kon ḷangkeang poḷoḷukadan. Onda intua pinotomoyónea in gobá in anggurnea tatua kon tongonumai intau mototomoyó bodongka minayá in sia kon ḻipú inta moyayú.

MARKUS 3:24

Sin aka tobatú dodatuan bo mosilai mokolo-kolompó inta mososaturuan, yo diábí mononoi in dodatuan tatua.

MARKUS 4:11

Dá ki Yesus in noguman kon i monia nanaa, “Moiko inogoiandon in totabi monotaau kon onu inta noibuni soaḷ naonda in ki Allah momarenta saḷaku Datu. Táe kon intau mita inta kon ḷuai sinundú pinongin poumpamaan,

MARKUS 4:2

Nobayong in sinundú-Nea táe nomaké in poumpamaan. Nanaa in totundú-Nea kon i monia.