MARKUS 3:21 - Alkitab Singog In Mongondow Masa In Tanaa

²¹ Intau mita in noguman, “Nobundaidon in Sia nion!” Bo naonda in kinodongogan in ginaḷum-Nea in singog monia tua, binayádon monia ginamá in ki Yesus.

MARKUS 3:21 Mawu Ofanana

DATU MITA 2 9:11

Ki Yehu in buidon minayá kon yobayatnea mita, bo noḻibó in mosia, “Onu in habar? Onu in inangoi in intau nobundai tatua kon inimu?” “Uḻe, kinotaauandon monimu,” tubag i Yehu.

YEREMIA 29:26

“Ki Tuhan ain noduí kon inimu nobaḻí imang nomaḷui kon i Yoyada, bo tanaa ikodon in pojabat inta moḷantu-ḷantud kon Baḷoi i Tuhan. Oaidanmu in momarenta sinbá bayongan intau nobundai inta tumangoi nabi, sinokig in rante uatoi kon sigogownea.

HOSEA 9:7

Noiangoidon in wakutunea pohukuman, wakutu motarima kon tontuḻínea kon bayongan in oaid. Israel in mokonanambí kon tua! Moiko in moguman, “Nabi inta kinawasa in roho tanaa in dondunguḷ! Nobundai in sia!” Moiko in noguman natua sin moiko in doí totok kon inakó bo dosamu in totuu moḷoben.

MARKUS 3:31

Noiduduimai kon tua, ki iná bo ki utat mita i Yesus namangoi. Mosia in sinimindog kon ḷuai bo nopotabá kon intau mogoiní kon i Yesus.

YOHANES 10:20

Nobayong in noguman, “Kinotoḷangan in dimbuḷó in Sia! Sia in nobundai! Nongonu sin indongoganbí monimu in Sia?”

OUMAN IN RASUL MITA 26:24

Koyogotpa in ki Paulus mopoyotutui in onu inta nobaḻí kon inia, ki Pestus in nomaḷúdon kai-nia, “Diábí noratak in iko nion Paulus! Kinoḻiuandon in pandoimu dá diádon motoratakmai in raianmu!”

KORINTUS 2 5:13

Sin aka kami bo ná diádon moratak, yo tua in lantaranbí kopontingan i Allah, táe aka kami bo moratak in koontongan, yo tua in lantaranbí moiko.