MARKUS 3:14 - Alkitab Singog In Mongondow Masa In Tanaa

¹⁴ bo Sia nonantúdon kon intau mopuḷú bodoyowá takin singog nanaa, “Akuoi in momiḻí kon i monimu, sinbá moiko in tumakin kon i-Nakó. Potabá-Ku in moiko mopotaa-taau mako in Habar Mopia nongkon i Allah,

MARKUS 3:14 Mawu Ofanana

MARKUS 3:13

Onda intua ki Yesus notakod kon buḷud tobatú, bo nogoiní kon intau mita inta kinoibog-Nea. Intau mita tatua in namangoi,

MARKUS 3:15

bo moiko in ogoian-Ku in kawasa moguntun kon dimukud mita moraat.”

MARKUS 6:30

Rasul mita inta pinotabá i Yesus in nobuidon mangoi, mosia in noyotakindon bui i Yesus. Bo inouman monia kon i Yesus in bayongan inta inaidan bo sinundú monia.

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

YOHANES 15:16

Deemanbí moiko in nomiḻí kon i-Nakó. Akuoibí in nomiḻí kon i monimu, bo nopotabá kon i monimu mayá sinbá modiamai kon bungai mobayong, bungai mita inta diá moyopú. Dá ogoibí i Amá in onukabí inigum monimu inta pinodoyon kon tangoi-Ku.

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

GALATIA 1:1

Utatku mita jamaat i Allah inta kon Galatia. Akuoi ki Paulus takin bayongan utat naton intau Keresten inta koyota-yotakinku, moharap mako sinbá ki Allah, ki Amá naton bo ki Tuhan Yesus Kristus in umuran mako mobogoi in barakat bo totabi kon i monimu komintan. Akuoi naa in nobaḻí rasul deemanbí ibog in intau andeka intau in nopobaḻí kon inakó, táe ki Yesus Kristusbí bo ki Allah inta ki Amá naton, inta nomiag doman bui kon i-Nia nongkon sigad in intau minatoi.