MARKUS 3:13 - Alkitab Singog In Mongondow Masa In Tanaa

¹³ Onda intua ki Yesus notakod kon buḷud tobatú, bo nogoiní kon intau mita inta kinoibog-Nea. Intau mita tatua in namangoi,

MARKUS 3:13 Mawu Ofanana

MATIUS 5:1

Naonda in ki Yesus nokoontong kon intau moantó tua, Sia notakod kon buḷud, bo naonda iḻimitú in Sia, murí-Nea mita in namangoidon kon i-Nia.

MARKUS 3:14

bo Sia nonantúdon kon intau mopuḷú bodoyowá takin singog nanaa, “Akuoi in momiḻí kon i monimu, sinbá moiko in tumakin kon i-Nakó. Potabá-Ku in moiko mopotaa-taau mako in Habar Mopia nongkon i Allah,

MARKUS 6:7

Inoiní-Nea in murí mopuḷú bodoyowá bo pinotabá tumododoyawa, bo mosia in inogoian-Nea in kawasa moguntun kon dimukud mita moraat.

LUKAS 9:1

Ki Yesus nogoiní kon murí-Nea inta mopuḷú bodoyowá bo nobogoi in kawasa moguntun kon dimukud moraat bo mongundam doman kon bayongan takit.

YOHANES 6:3

Ki Yesus in notakod kon buḷud, bo iḻimitú kon tua takin murí-Nea mita.