MARKUS 3:10 - Alkitab Singog In Mongondow Masa In Tanaa

¹⁰ Bo nobayong totok in intau inundaman-Nea, dá bayongan in intau notakit komintan moḷongasi dimiug kon i Yesus bo moḻiai kon i-Nia.

MARKUS 3:10 Mawu Ofanana

KINOBAḺIAN 12:17

Táe pinopisí in ki datu nogamá kon i Sarai, dá ki Tuhan nopouma in panyaki mita inta mokoondok kon i datu bo kon intau mita inta kon komaḻignea.

PINOGIAPAN 11:33

Kon dodai in oyúonpa in ponoyá kaanon monia, ki Tuhan sinumorú kon bangusa tatua bo nopoangoi in bodito kon sigad monia.

MATIUS 12:15

Táe kinotaauan i Yesus in raian monia tatua, dá sinaḷáan-Neadon in tampat tatua. Nobayong in intau dinumudui kon i Yesus, bo inundaman-Nea in mosia komintan.

MATIUS 14:14

Naonda in mosia sinumubu ki Yesus nokoontong kon intau nobarong totok, dá noḻiai in gina-Nea popisí in tabi-Nea kon i monia. Bo inundaman-Nea in mosia inta notakit.

MATIUS 14:36

Mosia nopoigum sinbá ogoi-Nea in mosia moḻiai kon ubung in jubah-Nea. Komintan intau inta noroḻiai kon i-Nia, nongopia.

MATIUS 4:23

Ki Yesus minaya-mayá mako in bayongan ḻipú kon Galilea. Sia in sinumuot bo notundú kon bonu in baḷoi pososambayangan poḷat nopotaau in Habar Mopia soaḷ naonda in ki Allah mamangoi momarenta saḷaku Datu. Kon tua Sia nongundam doman kon bayongan panyaki in intau mita inta kon tua.

MARKUS 5:34

Dá ki Yesus in noguman kon bobay tatua, “Adí-Ku, popisí in iko bo mopirisaya kon i-Nakó dá nopia in iko! Bayádon takin saḷamat, iko in totu-totuudon nopia!”

MARKUS 6:56

Kon ondakabí in bayáan i Yesus, kon ḻipú, kon kotá ande kon desa, intau mita in umuranbí doman mopodondon mangoi in intau mita mongotakit. Intau mita motakit tatua uḻidon monia kon tampat moḷuas. Bo totok in poigumon monia kompé intau mita motakit tatua ogoi moḻiai kon jubah i Yesus, umpakabí tongá ubungnea. Komintan intau inta noḻiai nongopia.

MARKUS 8:22

Mosia noiyaputdon kon Betsaida. Kon tua oyúon in intau tobatú nodia mangoi kon intau tobatú bilog kon i Yesus. Sia nopoigum kon i Yesus sinbá yapuon-Nea in intau bilog tatua bá mopia.

LUKAS 5:3

Ki Yesus in sinumakoi kon uangga tobatú kon tua, sinakoian-Nea tua in uangga i Simon. Pinoki undud-Nea kon i Simon pinoyayú topí kon pintad bo iḻimitú in Sia kon bonu in uangga tatua bo nopoyaput in Habar Mopia kon intau moanto inta kon tua.

LUKAS 6:19

Komintan intau in moḷongasi moḻiai kon i Yesus, sin oyúon in kawasa ḷumuai nongkon i-Nia inta mokopia kon i monia komintan.

LUKAS 7:2

Kon tua oyúon in tobatú porwira in Rum inta kobobantung. Bobantungnea tatua, totok in kinotabinea táe dodai intua notakit moyoyiga dongkadon oḷaton.

LUKAS 7:21

Kon wakutu intua ki Yesus nongundam kon noyagi-yagimai in takit bo roriga kon moantó intau bo noguntun doman kon dimukud mita moraat, bo nongundam kon intau mita bilog sahingga in mosia nokoontongdon.

OUMAN IN RASUL MITA 5:15

Intau mita kon tua in umuran mopoḷuai in intau mita inta mongotakit bo pobayá in doḷaag popouḻid kon tosiugan andeka boḷad, sinbá mosia diá bo diá kotugatan in oḻinow i Petrus aka ki Petrus moitaḻib.

IBRANI 12:6

Sin sambokonbí i Tuhan in intau mita inta kotabi-Nea, bo sambokon-Neabí in intau inta ináku-Nea saḷaku ki adí-Nea.”