MARKUS 2:8 - Alkitab Singog In Mongondow Masa In Tanaa

⁸ Táe kon dodaipa doman in tuata kinotaauan i Yesus in raian monia. Dá Sia in noguman, “Nongonu sin moiko in moraibí natua kon bonu in ginamu?

MARKUS 2:8 Mawu Ofanana

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

MAZMUR 139:2

Kinotaauan-Mu in bayongan in aidku; nongkon noyayú kinomangaḻean-Mu in raianku.

AMSAL 15:26

Ki Tuhan in doíbí kon tomayá inta moraat; táe tosingogon mita inta mopia mokosanang kon gina-Nea.

AMSAL 24:9

Pomuḷoi in akaḷ intau bodok in dosabí. Intau inta umuran mopotaḷá kon intau ibanea, kinodoíbí i inekadon.

YESAYA 55:7

Igumon mako intau inta moraat in monompiadon kon kobobiagnea, bo momaḷui kon pororainea. Biódon mako in sia in mobui mangoi kon i Tuhan, sinbá mokouḻí kon totabi-Nea. Igumon mako sinbá sia in mamangoi bui kon i Allah naton, sin ki Tuhan in mongampung takin pia in gina.

YEHEZKIEL 38:10

Ki Tuhan Inta Totok in moḷantud in noguman kon i Gog, “Kon dodai intua iko in mogaid kon tomayá inta moraat.

MATIUS 12:15

Táe kinotaauan i Yesus in raian monia tatua, dá sinaḷáan-Neadon in tampat tatua. Nobayong in intau dinumudui kon i Yesus, bo inundaman-Nea in mosia komintan.

MATIUS 16:7

Dá mosia in norai bo noguman, “Sia nosingog kon natua sin kita in diá nodia kon roti.”

MATIUS 9:4

Táe kinotaauandon i Yesus in raian monia tatua, tuamai Sia in noḻibó, “Nongonu sin moiko in moraibí kon soaḷ mita inta moraat kon bonu in ginamu?

MARKUS 2:7

“Totuu mobarani in intau tanaa in mosingog natua! Sia in mohojat kon i Allah. Ki inebí in motaau mongampung kon dosa, tongábí ki Allah tontaní?”

MARKUS 2:9

Onda degá in mogampa-gampang, moguman, ‘Dosamu inampungandon’, andeka moguman, ‘Pobangondon, bingkat in boḷad pinosiuganmu bo bayádon’?

MARKUS 7:21

Sin inta nongkon bonubí in gina, inta nomuká nongkon raian mita inta moraat in mokopopisí kon intau mogaid kon inta mokooyá ná, monakow, moḻimod,

LUKAS 24:38

Táe ki Yesus in noguman, “Nongonu sin moondokbí in moiko bo diá mopirisaya?

LUKAS 5:22

Táe kinotaauan i Yesus in raian monia tatua, tuamai noḻibó in Sia, “Nongonu sin moiko in moraibí kon natua kon bonu in gina monimu?

LUKAS 6:8

Táe raian monia tatua kinotaauan i Yesus, dá Sia in noguman kon intau inta ḻimanea tosimpaḷ minatoi tua, “Igai sindog kon muna naa!” Dá nobuat in sia, bo sinimindog kon tua.

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

YOHANES 6:64

Tongá oyúon doman kon sigad monimu in diá mopirisaya.” (Kinotaauan bidon muna i Yesus in intau mita inta doí mopirisaya, bo ki ine mobaḷui in pirisaya kon i-Nia.)

OUMAN IN RASUL MITA 5:3

Dá ki Petrus in noḻibó kon inia, “Ananias nongonu sin pomayámubí mako in Ibilis mongawasa kon ginamu, modapot in iko monguboḷ kon Roho i Allah, takin umuni-uni mako motagú kon boḻi in butá ibanea sin pakéonmu tontaní?

OUMAN IN RASUL MITA 8:22

Tuamai Inggamáaidon in raianmu inta mongoraat bo poigum kon i Tuhan sinbá ampungan-Nea in raianmu mita tatua!

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.