MARKUS 2:7 - Alkitab Singog In Mongondow Masa In Tanaa

⁷ “Totuu mobarani in intau tanaa in mosingog natua! Sia in mohojat kon i Allah. Ki inebí in motaau mongampung kon dosa, tongábí ki Allah tontaní?”

MARKUS 2:7 Mawu Ofanana

AYUB 14:4

Motaau degá in intau baradosa mokopoangoi kon inta motompod?

MAZMUR 130:4

Táe Iko in moibog mongampung, sinbá intau in mobaḻí motoguondok.

YESAYA 43:25

Táe Akuoi in ki Allah inta nomopat kon dosamu, Inampungan-Ku in iko sin natuabí in sipat-Ku; Akuoi in diá bidon tantú monorop kon dosamu mita.

DANIEL 9:9

Iko in umuran moibog mongampung bo motabi, umpakabí kami ain noḷawang kon ini-Mu.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

MATIUS 26:65

Nokodongogmai kon tua, ki imang moḷoben nomerak kon ḷambungnea, bo nosingog, “Sia in noningkuḻe kon i Allah! Diá bidon paraḷu in kita motayak kon sakusi ibanea. Moiko tontaní in nokodongogdon kon tosingogon inta pinoningkuḻe-Nea kon i Allah.

MATIUS 9:3

Nokodongogmai kon singog i Yesus natua, mototundú mita kon agama Yahudi nosingog kon bonu in gina, kai monia, “Sia in noningkuḻe kon i Allah!”

MARKUS 14:64

Sin dinongogdon monimu tontaní in hojatan-Nea kon i Allah. Yo onu in kaputusan monimu in tanaa?” Pinutusdon monia kon kotaḷá in ki Yesus bo patus hukumon matoi.

MARKUS 2:6

Táe tongonumai in mototundú mita kon agama in Yahudi nomangkoidon nongunsingog kon bonu in gina, kai monia,

MARKUS 2:8

Táe kon dodaipa doman in tuata kinotaauan i Yesus in raian monia. Dá Sia in noguman, “Nongonu sin moiko in moraibí natua kon bonu in ginamu?

LUKAS 5:21

Mototundú mita kon agama bo intau mita in Parisi nomangkoidon moḻibó kon bonu in gina monia, “Ki inebí intau tanaa sin mobaranibí in moningkuḻe kon i Allah? Eta ki inebí in motaau mongampung kon taḷá koḻikudbí in ki Allah tontaní?”

LUKAS 7:49

Intau mita inta nongaan noyotakin-Nea, norai kon bonu in gina monia nanaa, “Degá ki inebí in intau tanaa sin motaaubí mongampung kon taḷá mita?”

YOHANES 10:33

Intau mita in Yahudi notubag, “Deemanbí popisí in oaidan-Mu mita inta mopia tua in baḻíon nami dodoyonan poganduran in batu kon ini-Mu, táe popisíbí in Iko mohojat kon i Allah. Iko nion in intaubí bo moibog mokipotongkai kon i Allah.”

YOHANES 10:36

Yo nongonu sin singogonbí monimu kon Akuoi in mohojat kon i Allah popisí in Akuoi noguman kon Akuoi in ki Adí i Allah? Bokaka Akuoi in piniḻíbí i Amá bo pinotabá namangoi in dunia.