MARKUS 2:14 - Alkitab Singog In Mongondow Masa In Tanaa

¹⁴ Wakutu in ki Yesus nopobayá natua, Sia in nokoontong kon tobatú intau mononagi kon pajak tangoinea in ki Lewi inta ki adí i Alpeus. Ki Lewi naa ḻimitú mako kon kantor in pajak. Ki Yesus in noguman kon inia, “Duduidon kon i-Nakó,” Dá sindo-sindog in ki Lewi bo dinumuduidon kon i Yesus.

MARKUS 2:14 Mawu Ofanana

MATIUS 8:22

Táe ki Yesus in notubag: “Duduidon kon i-Nakó, bo pomayádon mako intau minatoi moḷobong kon intau minatoi monia.”

MARKUS 2:15

Wakutu in ki Yesus koyogot nongaan kon baḷoi i Lewi, nobayong mononagi mita kon pajak bo intau mita inta inanggap diá mopia i intau moantó, nongaan noyotakin i Yesus bo murí-Nea mita. Sin nobayong in kon sigad monia tua in dinumudui kon i Yesus.

MARKUS 3:18

ki Andreas, ki Pilipus, ki Bartolomeus, ki Matius, ki Tomas, ki Yakobus ki adí i Alpeus, ki Tadeus, ki Simon intau in Zelot,

LUKAS 6:15

Ki Matius bo ki Tomas, ki Yakobus ki adí i Alpeus, bo ki Simon intau in Zelot,

OUMAN IN RASUL MITA 1:13

Kon Yerusalem in mosia minayá in baḷoi inta pinogutunan monia. Mosia namonik in yuang inta pinongaanan monia wakutu in Singgai Moḷoben Paska. Naa in tangoi monia tua: Ki Petrus, ki Yohanes, ki Yakobus, ki Andreas, ki Pilipus, ki Tomas, ki Bartolomeus, ki Matius, ki Yakobus inta ki adí i Alpeus, ki Simon intau in Zelot bo ki Yudas adí i Yakobus;