MARKUS 16:6 - Alkitab Singog In Mongondow Masa In Tanaa

⁶ Táe tayowmobiag tatua in noguman kon i monia, “Dika moondok! Kinotaauankubí kon moiko in motayak kon i Yesus intau Nazaret inta ain pinopopakú kon kayu pinoyotaḻempang. Diábí in Sia in kon naa. Sia ain nobiag! Indoiaidon naa in tampat pinoguḻidan monia kon i Yesus.

MARKUS 16:6 Mawu Ofanana

MAZMUR 71:20

Inogoian-Mu in akuoi in mobayong in roriga mobogat, táe poguḻíon-Mubí in ropotku bo momiag bui kon inakó nongkon pinoḷobongan.

AMSAL 8:17

Akuoi in motabi kon i monia inta moibog kon inakó; inta motayak kon inakó, in moyodungkuḷkubí.

MATIUS 12:40

Sin naonda in ki Yunus toḷu nosinggai bo toḷu nogobii kon bonu in sian in toyá, yo natua doman in ki Adí Intau in mogutun kon gantog in butá toḷu nosinggai bo toḷu nogobii.

MARKUS 1:24

“Ei Yesus, intau in Nazaret, onuon-Mu in kami? Mamangoi degá momutú kon inami in Iko? Kotaauankubí in Iko: Iko nion in totabá i Allah inta motusi!”

MARKUS 1:27

Bayongan intau nongoherang totok, dá nosiḻiboandon in mosia, “Onu in naa? Tobatú totundú mobagu! Takin bangkaḷon bo kawasa Sia nomarenta kon dimukud mita moraat, bo dinuduian doman monia in singog-Nea.”

MARKUS 10:34

Poyambáan monia in Sia, duyáan, yoyigaan bo popopakú monia kon kayu pinoyotaḻempang. Táe kon singgai intoḷunea bui mobiag in Sia.”

MARKUS 14:33

Onda intua ki Yesus nonongganut kon i Petrus, kon i Yakobus bo kon i Yohanes noyotakin-Nea minayá. Bo mulaidon sia angoian robonoḷ in dodob bo moḻia-ḻiaw in gina.

MARKUS 9:15

Naonda intau mita tatua nokoontong kon i Yesus, mosia in nongoitongau bodongka noribatuk nonontomu kon i-Nia.

LUKAS 24:46

Bo Sia in noguman kon i monia, “Kon bonu in Buk Motusi pinais nanaa: Datu Mopoposaḷamat in musti mokorasa kon roriga, bo musti mobiag bui nongkon kinopatoian-Nea kon singgai intoḷunea.

OUMAN IN RASUL MITA 2:24

Táe Sia in biniag bui i Allah. Sia in pinilatan nongkon roriga in popatoi, sin diábí motaau aka Sia in umuran kon bonu in kawasa in popatoi.

OUMAN IN RASUL MITA 4:10

dá tanaa in pogumankudon kon i monimu bo kon bayongan intau in Israel, kon intau tanaa in nokosindogdon bo nosehatdon in indoian mako monimu popisí in ropot bo kawasa i Yesus Kristus intau in Nazaret inta ain pinopopakú monimu kon kayu pinoyotaḻempang, táe bui biniag i Allah in Sia nongkon sigad in intau minatoi.