MARKUS 16:12 - Alkitab Singog In Mongondow Masa In Tanaa

¹² Noiduduimai kon tua ki Yesus nokipogontong kon murí-Nea doyowa takin aid ibanea. Tua in nobaḻí wakutu in murí-Nea taya dua kon daḷan mopobayá in ḻipú tobatú.

MARKUS 16:12 Mawu Ofanana

MARKUS 16:14

Pangabisannea, ki Yesus nokipogontong kon murí-Nea mita mopuḷú bomitá tatua, wakutu in mosia koyogot mongaan. Sinorúan-Nea in murí-Nea mita tatua sin diá totok mopirisaya bo motogat totok in gina sahingga in diá mopirisaya kon intau mita inta ain nokoontong kon ki Yesus in nobiagdon bui.

LUKAS 9:29

Wakutu in ki Yesus yogot nosambayang kon tua, indoianmai yo pogot-Nea in nobaḷui bo ḷambung-Nea in nobaḻídon nobudó mopouḻi-uḻinag.

YOHANES 21:1

Nopaḷut mako kon tua ki Yesus in bui nokipogontong kon murí-Nea taya pitu kon Danow Tiberias. Nanaa in kino bobaḻínea:

YOHANES 21:14

Naa in kon intoḷuneadon in ki Yesus nokipogontong kon murí-Nea mita naonda in biniagdon bui in Sia nongkon sigad in intau mita minatoi.

OUMAN IN RASUL MITA 1:3

Naonda in Sia buidon nobiag nongkon kinopatoian-Nea, opat nopuḷú nosinggai Sia nopoontong in oaidan-Nea kon rasul mita sinbá moniata kon i monia kon Sia tua in totu-totuubí nobiag. Mosia in nokoontong kon i-Nia, bo Sia in nongonguman kon i monia kon naonda in ki Allah momarenta saḷaku Datu.