MARKUS 15:6 - Alkitab Singog In Mongondow Masa In Tanaa

⁶ Pomuḷoi in Porayaan kon Singgai in Paska, biasamai ki Pilatus mopoḷuai in tobatú tahanan inta pokipiḻí kon intau mobayong.

MARKUS 15:6 Mawu Ofanana

MATIUS 26:2

“Kinotaauan monimu kon doyowapa nosinggai porayaan kon singgai moḷoben Paska, dá kon wakutudon tua Adí Intau posarakan sin popopakú kon kayu pinoyotaḻempang!”

MATIUS 26:5

“Táe,” kai monia, “donaaibí kon wakutu in porayaan, sinbá diá mokopomuká kon ropatoi kon sigad in intau mita kon tua.”

MARKUS 15:7

Kon bonu in ponjara tatua oyúon intau tangoinea ki Barabas. Sia in pinonjara takin tongonumai intau inta nomarontak wakutu in korusuhan sin mosia tua in noḻimod.

YOHANES 18:16

táe ki Petrus in tongábí kon ḷuai kon ngara mogoḷat mako. Onda intua murí tobatú tatua in iḷumuai bo noyosingog takin bobantung bobay inta noḷukad kon ḷoḻingkop, onda intua dinianeadon sinumuot in ki Petrus.

YOHANES 19:16

Dá pinosarakandon i Pilatus in ki Yesus sin bayáandon popopakú kon kayu pinoyotaḻempang. Bo ginamádon monia in ki Yesus bo dinia.

OUMAN IN RASUL MITA 24:27

Táe naonda in notompodon doyowa notaong in ki Peliks nobaḻí gubernur, binaḷuiandon in sia i Perkius Pestus. Bo popisí in modondouḷug kon intau in Yahudi dá pinomayádon mako i Peliks in ki Paulus kon bonu in ponjara.

OUMAN IN RASUL MITA 25:9

Táe ki Pestus inta moibog sinbá kosanang in gina in intau Yahudi in noguman kon i Paulus, “Moibog degá iko mayá in Yerusalem sinbá sidangon kon tua kon tayowonku soaḷ pelekara tanaa?”