MARKUS 15:5 - Alkitab Singog In Mongondow Masa In Tanaa

⁵ Táe tongádon kibio-biómai in ki Yesus, dá noherang in ki Pilatus.

MARKUS 15:5 Mawu Ofanana

MAZMUR 71:7

Kobiaganku in nobaḻí dodayanan kon intau mobayong, sin Ikobí in moḷoḷukadku inta moropot.

YESAYA 53:7

Iromu-romúmai in pinogogaid kon inia, táe binabanea intua takin gina nosabar. Diábí in sia noposingo-singog naonda bo ki adí in domba inta dinia kon tampat pororataan andeka ki iná in domba inta kinarugan in bubuḷnea.

YESAYA 8:18

Naa in akuoi bo adí mita inta inogoi i Tuhan kon inakó. Ki Tuhan Inta Totok in mokawasa inta nomarenta kon Buḷud in Sion, nopotabá kon inami mobaḻí tomponuot kon umat in Israel.

ZAKHARIA 3:8

Indongogaidon ei Imang Moḷoben Yosua, bo moiko doman imang mita inta nobaḻí yobayatnea mita, moiko komintan in nobaḻí lambang in singgai moiduduimai inta mopia. Kon singgai tatua Akuoi in mopotabá kon bobantung-Ku inta sinangoi ‘Tokat’.

MATIUS 27:12

Táe wakutu in imang mita itoi bo guhanga mita in ḻipú noponapud in tosingogon kon i-Nia, diábí sinokotubagan-Nea.

MATIUS 27:14

Tongá diá inabatan-Nea totontagámai, sahingga in noherang totok in ki Gubernur tatua.

MARKUS 15:4

Bui in ki Pilatus noḻibó kon i Yesus, “Degá diá tubagan-Mu in pinonapud monia tua? Indongogaika mobayong totok in pinonapud monia kon ini-Mu!”

LUKAS 23:9

Tuamai onda in noyodungkuḷ totoknea in pinoḻibo-ḻibóanmai in Sia, táe diá tobatúmai in sinubagan i Yesus.

YOHANES 19:9

Dá sia in sinumuot bui kon komaḻig bo naonda in ki Yesus dinia pinotuot, ki Pilatus in noḻibó kon i-Nia, “Nongkon ondabí in Iko nion?” Táe diá sinubagan i Yesus.

KORINTUS 1 4:9

Sin aka kon raianku, kami inta ain binaḻí i Allah rasul naa in intaubí moompá totok, nábí ondabo intau inta iḷabúan in hukuman mokopatoi kon tayowon intau moantó bo totok in giowan bayongan intau sin mopia-pia in gina monia.