MARKUS 15:16 - Alkitab Singog In Mongondow Masa In Tanaa

¹⁶ Ki Yesus dinia in tontara mita kon baḷoi pongadilan kon komaḻig i gubernur. Onda intua tontara mita inoiní noyosipun.

MARKUS 15:16 Mawu Ofanana

MATIUS 26:3

Kon dodai intua imang mita itoi bo guhanga mita in ḻipú intau Yahudi noyosipun kon palas i Kayapas, imang moḷoben.

MARKUS 15:17

Bo ki Yesus iḷambungan monia in jubah nopars bo pinogaidan kon mahkota dodugian bo pinopobandow kon uḷu i Yesus.

YOHANES 18:28

Doḷo-doḷompa totok dinia monia in ki Yesus nongkon baḷoi i Kayapas pinobayá kon komaḻig i gubernur. Intau mita in Yahudi in diábí sinumuot kon komaḻig tatua, sinbá mosia in diá monajis podudui in agama monia, sin mosia in tumakindon mokaan kon kaanon in Paska.

YOHANES 18:33

Ki Pilatus in sinumuot bui kon komaḻig bo nogoiní kon i Yesus poḷat noḻibó, “Degá Iko nion Datu Intau Yahudi?”

YOHANES 19:2

Tontara mita in nomia kon mahkota nongkon tanga mita inta dodugian, bo pinobandow monia kon uḷu i Yesus. Onda intua iḷambungan monia in jubah nopars,

YOHANES 19:9

Dá sia in sinumuot bui kon komaḻig bo naonda in ki Yesus dinia pinotuot, ki Pilatus in noḻibó kon i-Nia, “Nongkon ondabí in Iko nion?” Táe diá sinubagan i Yesus.

OUMAN IN RASUL MITA 10:1

Kon Kaisarea oyúon in tobatú ḷoḷaki, tangoinea in ki Kornelius. Sia naa in itoi in “Tontara in Rum”.