MARKUS 13:34 - Alkitab Singog In Mongondow Masa In Tanaa

³⁴ Kaadaannea in ibarat tobatú intau inta nonaḷámai kon baḷoinea bo minayá in tampat moyayú. Sia nopotabá in bobantungnea mita noḷukad kon baḷoinea bodongka nosilai kon oaidan kon i monia kon batúannea. Bo sia in nongoyow kon intau inta pinoki ḷukadan in ngara sinbá umuran moḷukad mokopopia.

MARKUS 13:34 Mawu Ofanana

MATIUS 16:19

Iko in pobogoian-Ku kon kokunsi in dodatuan soroga. Onu inta diá ogoimu aidan kon dunia, tua doman in diá ogoi aidan kon soroga. Bo onu inta sinotuumu kon dunia yo tua in totuuon doman kon soroga.”

YOHANES 10:3

Moḷoḷukad kon ḷantung momukatbí kon ḷoḻingkop sin tuotannea, bo domba mita in mokidongogbí kon singognea wakutu in oiníonnea in mosia podudui in tangoi monia tontaní bo diaannea ḷumuai.

SURAT I PAULUS KON JAMAAT RUM 13:6

Tuabí doman in nobaḻí dodoyonan kon nongonu sin moiko in moguboḻibí kon pajak, lantaranbí pomarenta tua in pogawai i Allah inta nopobayá in oaidan nongkon i Allah.

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

KOLOSE 3:24

Sinbá kotaauan monimu, tarimaanbí monimu in tontuḻínea nongkon i Tuhan. Onu in sinadia i Tuhan kon umat-Nea, tuabí in ogoi kon inimu. Sin tuang sabanarnea inta yogot bantungan monimu tua in ki Kristusbí tontaní.

KOLOSE 4:1

Utat mita inta nobaḻí tuang! Kopiabí in mopoaid kon i atamu mita, dikabí tombogaan. Pokotoropdon, oyúonbí in Tuangmu kon soroga.

WAHYU 3:7

“Paisdon kon malaekat in jamaat kon Piladelpia nanaa: Naadon in koyow nongkon i-Nia inta Mokudus, Inta Mobanar bo ki Inta nokadai kon kokunsi i Daud; Aka Sia in mobuká yo diábí tobatúmai in mokoḻingkop; bo aka ḻingkopan-Nea, yo diábí doman tobatúmai in mokobuká.