MARKUS 12:2 - Alkitab Singog In Mongondow Masa In Tanaa

² Naonda in wakutuneadon posipúan kon bungainea, ki togi gobá tatua nopotabá in bobantungnea minayá kon mototomoyó mita tatua sin mogamá kon silainea.

MARKUS 12:2 Mawu Ofanana

DATU MITA 2 17:13

Ki Tuhan in nopotabá in totabá mita bo nabi-Nea mita namangoi kon umat in Israel bo Yohuda sin mopotaau in tompoingat tanaa: “Pogogaidon in mogaid kon inta moraat bo duduiaidon in bayongan in parenta bo hukum inta inogoi-Ku kon mogoguyangmu bo kon inimu pinongin nabi mita, mogogundoi-Ku mita tatua.”

TAWARIKH 2 36:15

Ki Tuhan, Allah in mogoguyang monia, aindon nopobui-buimai in mopotabá in totabá-Nea sin mobogoi in tompoingat kon umat-Nea, sin motabi in Sia kon i monia bo kon baḷoi-Nea.

EZRA 9:11

inta inogoi-Mu kon inami pinongin nabi, mogogundoi-Mu mita. Mosia in nopotaau kon inami kon butá inta bain pogutunan nami in diá nodarit popisí in bayongan intau inta nogutun kon tua nongkon popod tobatú nodapot in popod ibanea in nogaidon kon inta mokotor bo inta moraat.

MAZMUR 1:3

Intau tatua in mokodapot kon bayongan totayaknea; sia in naonda bo pangkoi in kayu inta kon bingkí in tubig inta momungai kon sempo in pomomungainea bo inta diá moḷaḷo-ḷaḷow in daunnea.

YEREMIA 35:15

Tantúbí in Akuoi mopotabá kon i monimu in bayongan mogogundoi-Ku nabi mita, bo mosia in nonongginadon kon i monimu kon bá monombaḷui kon oaidmu bo mogogai in mogaid kon inta moraat. Mosia in mobogoi in toingat kon i monimu sinbá diá mosumba kon ilah mita ibanea bo diá doman mogundoi kon i monia, sinbá moiko in umuran motaau mogutun kon butá tanaa inta ain inogoi-Ku kon inimu bo kon mogoguyangmu. Táe moiko in doíbí moindoimai bo doí mokidongog kon i-Nakó.

YEREMIA 44:4

Akuoi in tantúbí mopotabá mangoi in mogogundoi-Ku mita nabi mita, inta nogimaḷow kon i monia nogaid kon inta moraat inta kinodoí-Ku tua.

MIKHA 7:1

Mobodito in akuoi! Akuoi in nádon intau ginogoi inta minayá nosipú naonda in nopaḷut mako in sempo in pinosipúan. Diá bidon in bungai in ayop kon pangkoinea. Bungai in anggur bo bungai in ara inta mongopia nodaitdon komintan sinipú.

ZAKHARIA 7:7

Tuata in siningog i Tuhan pinongin nabi mita kon tungkuḷ intua kon dodai in Yerusalem inutunanpa bo intaunea in nobiagpa notomomon. Kon dodai intua intau in diábí tongá mogutun kon ḻipú mita kon diugmai in kotá táe nodapotbí in kon dotá in toḷatan bo kon obagaanmai in tombuḷud kon dotá in toyopan.

MATIUS 21:34

Naonda i wakutuneadon mosipú kon bungainea, pinotabánea in bobantungnea mita minayá kon mototomoyónea mita sin mogamá kon silainea.

MARKUS 12:1

Noiduduimai kon tua ki Yesus mulaidon bui nosingog takin nomaké in poumpamaan kon imang mita itoi, guru mita in agama bo itoi mita intau Yahudi. Kai-Nia, “Oyúon tobatú intau nomuḷa kon anggur kon gobánea. Gobá tatua iḻibunea sinondok. Bo pinogaidannea doman kon tampat pomomugutan kon bungai in anggur. Sia nogaid doman kon ḷangkeang poḷoḷukadan. Onda intua pinotomoyónea in gobá in anggurnea tatua kon tongonumai intau mototomoyó bodongka minayá in sia kon ḻipú inta moyayú.

MARKUS 12:3

Táe dinomok in mototomoyó mita tatua in bobantung tatua. Binongkug monia bodongka pinoki pobuian takin diá doman inogoian in onu bo onu.

LUKAS 12:48

Táe aka intau inta diá nonotaau kon kinoibog i tuangnea bo sia in nogaid kon inta noitaḷá, dá musti sambokon, yo sia tua in sambokonbí táe koyangkóon.”

LUKAS 20:10

Onda in wakutuneadon mosipú kon bungai in anggur, ki togi gobá tatua in nopotabá in bobantungnea tobatú minayá kon mototomoyó mita tatua sin mogamá kon silainea. Táe mototomoyó mita tatua in tongábí nomongkug kon bobantung tatua poḷat pinoki pobuian monia, bo diá inogoian in onu bo onu.

IBRANI 1:1

Dungkuḷmai in noyagi-yagimaidon daya i Allah in mosingog kon mogoguyang naton, singog-Nea tatua in pinoyaput pinongin nabi mita.