MARKUS 12:16 - Alkitab Singog In Mongondow Masa In Tanaa

¹⁶ Dá inogoi monia kon i Yesus in tobatú doit saḷaka. Ki Yesus in noḻibó kon i monia, “Gambar bo tangoi ine in naa?” “I Kaisar,” tubag monia.

MARKUS 12:16 Mawu Ofanana

MARKUS 12:15

Táe kinotaauanbí i Yesus in kinomomunapik monia tua. Dá iḻibó-Nea, “Nongonu sin moiko in moibogbí motayak kon taḷá-Ku? Poontongka kon i-Nakó in tobatú doit saḷaka.”

MARKUS 12:17

“Dá aka natua,” kai Yesus, “ogoi kon i Kaisar onu in nobaḻí kapunyaan i Kaisar, bo ogoi kon i Allah onu in kapunyaan i Allah.” Mosia in nongoherang nokodongog kon singog-Nea tatua.

TIMOTIUS 2 2:19

Táe dodoyonan moroton inta ain pinomia i Allah tua in diá bidon in mokodandú. Kon ḻimoniknea in pinaisdon nanaa, “Kinotaauanbí i Tuhan in umat-Nea inta kinotabi-Nea,” bo “Intau inta mongaku umat i Tuhan in mustidon mogogai in mogaid kon inta noitaḷá.”

WAHYU 3:12

Intau inta nountung, baḻíon-Ku saḷaku oigi kon bonu in Baḷoi Motusi i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi in kotá i Allah-Ku, tuata in Yerusalem mobagu inta moponag nongkon soroga, nongkon i Allah-Ku – tua in paison-Ku kon intau tatua. Ná doman tua, tangoi-Ku inta mobagu in paison-Ku doman kon intau tatua.