MARKUS 11:7 - Alkitab Singog In Mongondow Masa In Tanaa

⁷ Wakutu in noiyaputdon kon i Yesus in keledai tatua, inaipandon monia in jubah in ḻikud in keledai tatua, bo sinumakoidon in ki Yesus kon keledai tatua.

MARKUS 11:7 Mawu Ofanana

DATU MITA 2 9:13

Dá baḷúdon in yobayat mita i Yehu noḷongkut kon jubah mita monia bo nopoompat kon tukad kon tayowon i Yehu. Bo nogirup in mosia kon torompet poḷat nomaḷú, “Ki Yehu in datu!”

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

MARKUS 11:6

Bo sinubagan monia ná singog inta pinoguman i Yesus kon i monia. Dá pinomayádon mako in intau mita tatua in pinodiaan monia kon keledai tatua.

MARKUS 11:8

Mobayong intau in mopoompat in jubah monia kon daḷan, oyúon doman in moporarit in tanga mita mongointok kon daḷan, tanga inta ginamá monia nongkon gobá.