MARKUS 11:14 - Alkitab Singog In Mongondow Masa In Tanaa

¹⁴ Bo ki Yesus in noguman kon pangkoi in ara tatua, “Pinangkoi kon tanaa mako diá bidon tobatúmai intau in mokaanpa bui kon bungaimu!” Dinongog in murí-Nea mita in singog-Nea tatua.

MARKUS 11:14 Mawu Ofanana

MATIUS 21:19

Kon diugmai in daḷan oyúon pangkoi in ara inontong-Nea, dá Sia minayá notayak kon bungainea, táe diá nokouḻí kon tobatúmai koḻikudbí in daunnea mita kon tua. Dá siningog-Nea in pangkoi ara tatua, “Iko in diá bidon mopomunga-mungai!” Bo kon dodaipa doman tatua, pangkoi in ara tatua noingkag.

MATIUS 21:33

“Indongogaidon in poumpamaan ibanea tanaa,” guman i Yesus. “Oyúon in tobatú ki togi butá, sia in nomuḷa kon anggur bo iḻibunea sinondok in gobá tatua. Sia nongaḻi doman kon bubú tampat pomomugutan kon bungai in anggur, bo noposindong doman in ḷangkeang poḷoḷukadan kon pinomuḷa tatua. Onda intua gobá tatua pinotomoyónea kon mototomoyó bo sia minayá in ḻipú ibanea.

MATIUS 21:44

Bo ki ine in moḷabú kon tudu in batu tatua, yo morimumud in sia bo ki ine in koḷabúannea yo moputo-putoḷ in sia.]”

MATIUS 3:10

Pokotorop! Boḻiung aindon inukat mako kon uakat in kayu. Bo pomuḷoi in pangkoi inta diá mopomungai in mopia yo notantú kon pupuḷonbí bo pogonag kon tuḷu.

MATIUS 7:19

Sin pomuḷoi in pangkoi inta mopomungai in diá mopira yo musti pupuḷon bo tubáan.

MARKUS 11:13

Nongkon moyayúpa inontong-Neadon in pangkoi in ara inta nobambar. Dá nongandupa in Sia notayak kon ḷabú in bungainea. Táe diábí tobatúmai in nouḻí-Nea, koḻikud in daunnea mita, sin dodai intua deemanpabí doman pomomungai in ara.

MARKUS 11:15

Onda intua mosia noiyaputdon kon Yerusalem, bo ki Yesus minayá bui in Baḷoi Tuhan. Kon tua Sia noguntun kon intau mita inta morodagang kon palas in Baḷoi Tuhan tatua. Binaḻintuang-Nea in meja mita monia inta pononoḻiuan kon doit, bo bangko mita in intau mopopotaḷui in paḷoma.

YOHANES 15:6

Ki ine in diá umuran motobatú takin-Ku, ḷumbúon naonda bo tanga, bo moingkagdon. Tanga mita inta moingkagdon natua daiton sipunon bo pogarab kon bonu in tuḷu bo tubáan.

PETRUS 2 2:20

Intau inta nonotaaudon kon i Tuhan bo kon i Mopoposaḷamat naton ki Yesus Kristus, yo sia tua in noipilatdon nongkon kawasa mita in dunia naa inta mokokotor kon intau. Táe onda intua sia in buidon nogaid kon inta moraat, dá oaid in intau tatua in moiḻiu bidon totok kon koraatnea inta muna.

WAHYU 22:11

Intau inta moraat, pomayádon mako in umuran mogaid kon moraat; intau inta monajis, pomayádon mako in mokoponajis kon awaknea tontaní; intau inta dinumudui kon ibog i Allah, bo intau inta kobiagannea in tongádon mogaid kon kopontingan i Allah, yo pomayádon mako in sia tongá mogaid kon natua kon i Allah.”