MARKUS 10:52 - Alkitab Singog In Mongondow Masa In Tanaa

⁵² Guman i Yesus kon inia, “Bayádon, sin iko mopirisaya kon i-Nakó dá nopiadon in iko.” Bo kon dodaipa doman tatua, nokoontongdon in intau bilog tatua. Bo dinumudui in sia kon i Yesus kon binayáan.

MARKUS 10:52 Mawu Ofanana

MAZMUR 146:8

bo mobuká kon mata in intau bilog. Sia in moposindog kon intau inta noḷabú, bo motabi kon intau inta mojujur.

MAZMUR 33:9

Sin Sia in nosingog, bo bayongan yagi-yagi binaḻí; Sia in nomarenta, dá bayongan yagi-yagi nooyúon.

YESAYA 35:5

Kon dodai intua intau bilog in mokoontongdon, bo intau bongoḷ in mokodongogdon.

MATIUS 11:5

Moiko ain nokoontong: intau bilog mokoindoi, intau ḻempeng mokobayá, intau pinanyaki kuḻit inta mokorongó nopia, intau bongoḷ mokodongog, intau minatoi in nobangon bo Habar Mopia pinoyaput kon intau mita bogá.

MATIUS 12:22

Onda intua diniadon kon i Yesus in intau inta kinotoḷangan in dimukud moraat. Intau tatua bilog bo bobó sia inundaman i Yesus, dá nokosingog bo nokoontongdon.

MATIUS 15:28

Bo ki Yesus in notubag takin noguman kon i-Nia, “Uḻe iná, moḷoben totok in pirisayamu! Manangka intua yo mobaḻídon kon inimu ná inta kinoibogmu!” Bo dodaipa doman in tuata nopia in ki adínea.

MATIUS 21:14

Bo kon tua namangoi domandon in intau mita bilog bo intau mita pelong kon i-Nia kon Baḷoi Tuhan bo inundaman-Nea in mosia.

MATIUS 8:3

Bo kinadaian i Yesus in intau tatua bo noguman: “Moibog in Akuoi. Dá kopiadon in iko!” Bo kon dodaipa doman tuata panyaki kusta in intau tatua nopia.

MATIUS 9:22

Dodai intua ki Yesus in nobobui bo noindoi kon inia poḷat noguman, “Koroton in ginamu, adí-Ku! Sin iko in mopirisaya kon i-Nakó.” Bo kon dodaipa doman tua bobay tatua nopia.

MARKUS 1:31

Dá ki Yesus minayá dinimiug kon i guyá i Simon poḷat nokadai kon ḻimanea sinbá mobangon. Kon dodaipa doman tua bo nopia in patúnea, bo baḷúdon in bobay tatua bo nogoḷud kon kaanon kon imonia.

MARKUS 5:34

Dá ki Yesus in noguman kon bobay tatua, “Adí-Ku, popisí in iko bo mopirisaya kon i-Nakó dá nopia in iko! Bayádon takin saḷamat, iko in totu-totuudon nopia!”

MARKUS 8:25

Bui iyapu i Yesus mata intau tatua, dá totu-totuudon nokoontong in intau tatua bo nopiadon, sahingga in nodaitneadon ontongon motarang.

LUKAS 7:50

Ki Yesus in bui noguman kon bobay tatua, nanaa, “Pirisayamu ain nokosaḷamat kon inimu. Bayádon iko takin saḷamat!”

LUKAS 9:48

Bo Sia in noguman kon murí-Nea mita, “Intau inta notarima kon adí tanaa sin nokotorop kon i-Nakó, yo tua in mangaḻenea sia notarima kon i-Nakó; bo ki ine in notarima kon i-Nakó, yo sia in notarima doman kon i-Nia inta nopotabá kon i-Nakó; sin ki ine moompá in dodia kon sigad monimu komintan, yo siabí tua in moḷobe-ḷoben!”

YOHANES 9:32

Nongkon pinomangkoianmai in dunia naa diápa dodai onda in kinodongogan oyúon intau nopobaḻí kon intau bilog inta nongkon noilahirpamai nobaḻí nokoontong.

YOHANES 9:39

Ki Yesus in noguman, “Akuoi mamangoi in dunia naa sin mohakim; sinbá intau inta bilog in mokoontongdon, bo intau inta mokoontong, mobilogdon.”

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”