MARKUS 10:48 - Alkitab Singog In Mongondow Masa In Tanaa

⁴⁸ Táe sinorúan in intau moantó in sia bo diá inogoi momaḷú. Táe diábí pinandungneamai, tangábí nokodugang kon ropotnea nomaḷú, “Adí i Daud, kotabipa in akuoi!”

MARKUS 10:48 Mawu Ofanana

MAZMUR 62:12

Kotongonumaidon in dinongogku in ki Allah noguman kon kawasa in nongkon i-Niabí,

YEREMIA 29:13

Moiko in motayakbí kon i-Nakó bo moyodungkuḷ-Kubí, sin moiko in motayak takin ḻimbatú in gina.

MATIUS 19:13

Bo intau mita in namangoi nodia kon mongoadí mita kon i Yesus, sinbá barakatan-Nea in mosia. Táe murí-Nea mita sinumorú kon intau mita tatua.

MATIUS 20:31

Táe intau moantó tatua in nongampag kon i monia, sinbá mosia in kibio-biómaidon, táe tongábí mokodugang kon ropot monia momaḷú, “Tuhan, Adí i Daud, kotabipa in kami!”

MATIUS 9:27

Naonda in ki Yesus nongingguput kon bobayáan-Nea, intau bilog doyowa dumuduianmai kon i-Nia bo sindaḷan momaḷú kai monia, “Adí i Daud, kotabipa in kami naa!”

MARKUS 10:13

Noidudui kon tua, intau mita nodia kon mongoadí mita kon i Yesus sinbá barakatan-Nea in mosia. Táe sinorúan in murí-Nea mita in intau mita tatua.

MARKUS 5:35

Koyogotpa in ki Yesus nongonguman, indoianmai namangoidon in tongonumai intau totabá nongkon baḷoi i Yairus. Mosia in noguman kon i Yairus. “Ki adí bobay i tuang minatoidon, dá donaaidon ki tuang mokiposusamai kon i Pak Guru.”

LUKAS 18:39

Intau mita kon muna sinumorú kon inia noguman kon inia kon kibio-biómai. Táe tongábí nodugang noropot in kuaninea, “Adí i Daud! Kotabipa in akuoi naa!”

EPESUS 6:18

Aidai intua komintan takin mosambayang mopoigum kon totuḷung i Allah. Posambayangdon pomuḷoi mako podudui ibog in Roho i Allah kon i monimu. Umuran pobasadia in moiko bo dika umundok. Tantú sambayangai in bayongan umat i Allah.

IBRANI 5:7

Kon wakutu in ki Yesus nobiagpa kon dunia naa, Sia in nosambayang bo nopoigum takin koamu-amui bo koomba-ombaḷ kon i Allah inta mokosanggup moposaḷamat kon i-Nia nongkon roriga in popatoi. Bo lantaran Sia umuran dinumudui kon onu in kinoibog i Allah, dá inindongogan i Allah in pinoigum-Nea tua.