MARKUS 10:47 - Alkitab Singog In Mongondow Masa In Tanaa

⁴⁷ Naonda in kinodongogannea kon inta moitaḻib tua in ki Yesus intau Nazaret dá nomaḷú in sia, “Yesus, Adí i Daud! Kotabipa in akuoi naa!”

MARKUS 10:47 Mawu Ofanana

YESAYA 11:1

Buí i Datu Daud naonda bo pangkoi in kayu inta ain pinupuḷ. Táe ná doman onda nongkon tuodnea nomuká in poḻimping mobagu, natua doman nongkon buí i Daud in moiangoi in datu tobatú.

MATIUS 1:1

Nanaa in asaḷ-usuḷ i Yesus Kristus, buí i Daud inta buí i Abraham.

MATIUS 12:23

Dá nongoherang in intau mita kon tua, bo nosingog, “Sia naa degá inta ki Adí i Daud?”

MATIUS 15:22

Kon tua noiangoi in tobatú bobay intau in Kanaan inta nongkon ḻipú kon tua, bo nomaḷú, “Kotabipa in akuoi naa Tuhan Adí i Daud! Sin ki adíku bobay kinotoḷangan in dimukud moraat. Bo moyoyiga totok in sia.”

MATIUS 2:23

Kon tua, sia nogutun kon ḻipú inta tangoinea in Nazaret. Tua komintan nobaḻí sinbá motompodon Pirman inta aindon pinoyaput i nabi mita, kon sia in tangoion, “Intau in Nazaret.”

MATIUS 20:30

Kon daḷan oyúon intau bilog doyowa iḻimitú mako kon bingkí in daḷan. Dinongog monia kon ki Yesus in noitaḻib, dá taya dua nomaḷú, kai monia: “Tuhan, Adí i Daud, kotabipa in kami naa!”

MATIUS 21:11

Intau moantó tatua notubag, “Naadon in ki Nabi Yesus nongkon Nazaret kon Galilea.”

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

MATIUS 26:71

Naonda in sia minayá in ngara moḷoben, simpaḷ ibanea in nokoontong kon inia bo noguman kon intau mita inta kon tua, “Intau tanaa in takinbí i Yesus Intau in Nazaret tatua.”

MATIUS 9:27

Naonda in ki Yesus nongingguput kon bobayáan-Nea, intau bilog doyowa dumuduianmai kon i-Nia bo sindaḷan momaḷú kai monia, “Adí i Daud, kotabipa in kami naa!”

MARKUS 1:24

“Ei Yesus, intau in Nazaret, onuon-Mu in kami? Mamangoi degá momutú kon inami in Iko? Kotaauankubí in Iko: Iko nion in totabá i Allah inta motusi!”

LUKAS 4:16

Ki Yesus minayá doman in Nazaret, tobatú ḻipú inta kinoitoian-Nea. Kon singgai in Sabat, podudui in kabiasaan-Nea, Sia minayá in baḷoi pososambayangan. Sia in sinimindog bo nobaca kon Buk Motusi,

YOHANES 1:46

Táe ki Natanael in noguman, “Eta oyúon degá in mopia in mamangoi nongkon Nazaret?” Dá kai Pilipus doman, “Koḻigai, indoianmudon tontaní!”

YOHANES 19:19

Kon dotá omonikan kayu inta pinopopakúan kon i Yesus pinoki popakúan doman i Pilatus in kayu topongkó inta pinaisan, “Ki Yesus Intau Nazaret, Datu in Yahudi.”

YOHANES 7:41

Ibanea in noguman, “Naadon in Datu Mopoposaḷamat!” Táe oyúon doman in noguman, “Ah deeman! Sin Datu Mopoposaḷamat in diábí mamangoi nongkon Galilea?

YOHANES 7:52

Dá mosia in noguman kon inia, “Eta degá iko nion doman in nongkon Galilea? Pirikisadon kon bonu in Buk Motusi dá kotaauanmu bidon kon diábí in tobatúmai nabi in mamangoi nongkon Galilea!” [

OUMAN IN RASUL MITA 6:14

Dinongog nami tontaní in sia in nosingog nanaa, Ki Yesus intau in Nazaret tua in mogumpag kon tampat tanaa bo momaḷui kon bayongan in adat inta inogoi i Musa kon i naton!”

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”