MARKUS 10:4 - Alkitab Singog In Mongondow Masa In Tanaa

⁴ Dá kai monia doman, “Ki Musa nobogoi in kasampatan kon intau mogaat kon i buḷoinea, táe musti oyúon in surat talak.”

MARKUS 10:4 Mawu Ofanana

YESAYA 50:1

Ki Tuhan in noguman kon Israel, “Ei umat-Ku, kainimu kamai Akuoi in mopoguntunbí kon inimu naonda bo buḷoi ḷoḷaki mopoguntun kon i buḷoinea bobay? Aka natua, yo kon onda in surat gogaatannea? Kainimu kamai Akuoi in mopotaḷui kon inimu, naonda bo guyanga ḷoḷaki nopotaḷui kon i adínea kon intau inta mamangoi moigum kon boḻi? Deeman! Iko in dinakop bo iḷumbú, popisí in dosa bo aid moraatmu tontaní!

YEREMIA 3:1

Ki Tuhan in noguman, “Aka buḷoi bobay gaaton i buḷoinea ḷoḷaki, bo bobay tatua in mobaḻídon ki buḷoi in intau ibanea, dá ki buḷoinea dungkuḷ in diá bidon motaau mogamá bui kon inia mobaḻí buḷoi, sin aid natua in mokogoguyaatbí kon butá tanaa. Iko Israel, in nobayongdon totok in ki buḷoimu, umpaka yo tanaa iko in moibog bui mamangoi kon i-Nakó!

MATIUS 1:19

Táe ki Yusup ki buḷoinea naa in intaubí inta motuḻid in gina dá doíbí in sia moporaatmai kon tangoi buḷoinea kon tayowon intau moantó sahingga naonda in nokotaaumai kon natua, niatonnea gaaton in ki Maria táe diábí potaa-taaunea mako kon intau mita ibanea.

MATIUS 19:7

Dá mosia in noḻibó bui kon i-Nia, “Aka natua, yo nongonu sin ki Musa in nomarentabí kon mobogoi in surat talak aka intau mogaat kon i buḷoinea?”

MARKUS 10:3

Táe bui iḻibó i Yesus kon i monia, “Onu in parenta i Musa kon i monimu?”