MARKUS 10:22 - Alkitab Singog In Mongondow Masa In Tanaa

²² Nokodongogmai kon singog i Yesus natua, nokecewa in intau tatua, bo sinaḷáanneadon in tampat tatua takin gina mobogat sin nooyúon totok in sia.

MARKUS 10:22 Mawu Ofanana

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

MATIUS 13:22

Bibit inta noḷabú kon yua-yuak in díat, tua in mangaḻenea, intau inta nokodongog kon Pirman tatua tongá mohawatir kon kapunyaan kon dunia naa bo moibog mobiag mooyúon. Ibog monia kon in dunia tua in monisí kon Pirman tatua, dá diá momungai.

MATIUS 19:22

Naonda in tayowmobiag tatua nokodongog kon singog i Yesus tatua, minayá in sia takin ajar in ginanea, sin totok mobarong in kapunyaannea.

MATIUS 27:3

Kon wakutu in ki Yudas inta noposarakan kon i Yesus nokoontong kon ki Yesus in sinantúdon hukumon dapot matoi, nomanasaḷ in sia. Bo binayánea pinobui in doit saḷaka toḷu nopuḷú tatua kon i imang mita itoi bo guhanga mita in ḻipú.

MARKUS 10:21

Dá ki Yesus inimindoi kon intau tatua takin tabi bo noguman nanaa, “Dongkadon tobatú in paraḷumu aidan. Bayádon potaḷui in bayongan kapunyaanmu; bo ogoi kon intau nobogá in boḻinea tatua, dá mokouḻídon iko kon kapunyaan kon soroga. Onda intua angoidon dudui kon i-Nakó.”

MARKUS 10:23

Dá nobobui in ki Yesus kon murí-Nea mita bo noguman kon i monia, “Moyoyiga totok in intau nooyúon tumuot mobaḻí umat i Allah!”

MARKUS 6:20

Sin kinotaauan i Herodes kon ki Yohanes tua in totabá mopia i Allah dá mobangkaḷ in sia. Manangka intua pinoki ḷukadnea totok in ki Yohanes kon bonu in ponjara. Bo aka mosingog in ki Yohanes yo moibogbí in ki Herodes mokidongog kon singognea, umpakabí moḻia-ḻiaw totok in ginanea in mokodongog.

MARKUS 6:26

Nokodongogmai kon oigum tatua, norobonoḷ in gina i Herodes. Táe musti tarimaannea intua sin nongibotdon in sia kon tayowon in mokokiangoinea.

LUKAS 12:15

Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”

LUKAS 18:23

Táe naonda in sia nokodongog kon onu inta pinoguman i Yesus tatua, noajar totok in ginanea sin sia nobiag nooyúon.

KORINTUS 2 7:10

Sin ajar in gina natua mopomungaibí in mopia bo mokosaḷamat. Bo tua in diábí mokomanasaḷ kon intau. Táe aka ajar in gina inta pinodudui in ibog in intau, yo tua in mokopatoibí.

EPESUS 5:5

Torop in singogku tanaa: intau inta mokotor in oaidnea, andeka inta mogaid kon inta diá patus aidan, andeka ibog inta moiḻiu (aid natua notongkaibí in aid mosumba kon berhala ibanea), dá intau mita natua in diábí baḻíon umat inta pinarentaan i Kristus bo i Allah.

TIMOTIUS 2 4:10

sin ki Demas ain nonaḷámai kon inakó sin moḷobe-ḷobenbí in tabinea kon in dunia. Sia ain minayá in Tesalonika, ki Krekes minayá in Galatia, yo ki Titus in minayádon in Dalmatia.