MARKUS 10:2 - Alkitab Singog In Mongondow Masa In Tanaa

² Kon tua, oyúon doman in tongonumai intau in Parisi. Mosia namangoi doman sin motayak kon taḷá i Yesus. Dá mosia in noḻibó, “Podudui in agama naton, motaau degá intau in mogaat kon i buḷoinea?”

MARKUS 10:2 Mawu Ofanana

MALEAKHI 2:16

“Kodoí-Kubí in gogaatan,” guman i Tuhan Allah in Israel. “Kodoí-Kubí aka tobatú kon sigad monimu in mogaid kon ná tatua in koḻingánea kon i buḷoinea bobay. Dá ḷukadaidon in awakmu bo dika mokoimontanmai in momaḻidawan kon i buḷoimu.”

MATIUS 15:12

Bo murí-Nea mita in nomangkoidon noḻibó kon i-Nia, kai monia, “Kinotaauan degá i Pak Guru kon singog i Pak Guru tanion totokbí in mokonanaḻi kon gina intau mita in Parisi?”

MATIUS 16:1

Kon tua namangoidon intau mita in Parisi bo Saduki sin monungkuḷ kon i Yesus takin mopoigum sinbá Sia mopoontong in tanda kon i monia nongkon soroga.

MATIUS 19:3

Bo namangoidon intau mita in Parisi kon i-Nia sin monungkuḷ. Mosia in noḻibó nanaa, “Aka podudui in hukum agama, motaau degá in doyowa motonibuḷoi mogogaatan aka oyúon in binaḻí dodoyonan in soaḷ tatua?”

MATIUS 22:35

Bo tobatú kon sigad monia, inta totok in nonotaau kon hukum i Musa, noḻibó sin monungkuḷ kon i-Nia,

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MATIUS 9:34

Táe intau mita in Parisi in noguman, “Tongguḷubí in dimukud mita moraat in nobogoi in kawasa kon i-Nia moguntun kon dimukud mita moraat.”

MARKUS 10:1

Nongkon tua, ki Yesus nobuat bo minayá in butá in Yudea bo kon daerah inta kon ḷoḷan Ongkag in Yordan. Intau in nobayong doman in namangoi noyosipun kon diugmai Yesus. Bo ná biasamai ki Yesus mobogoi in totundú kon i monia.

MARKUS 10:3

Táe bui iḻibó i Yesus kon i monia, “Onu in parenta i Musa kon i monimu?”

MARKUS 8:11

Tongonumai intau in Parisi namangoi kon i Yesus bo nomangkoidon nosi-soaḷan-Nea sin potayakan monia kon taḷá-Nea. Mosia in nopoigum sinbá ki Yesus mogaid kon soaḷ inta mokoherang kon intau saḷaku tanda kon Sia tua in totuu nongkon i Allah.

MARKUS 8:15

Ki Yesus in noguman kon i monia, “Mokopoingat in moiko kon ragi in intau mita in Parisi bo ragi i Herodes.”

LUKAS 11:39

Tuamai ki Tuhan in nosingog kon i-Nia nanaa, “Moiko intau in Parisi totuubí kon aka palo bo pindan yo yuyúanbí monimu dotá in ḷuainea, táe bonu in gina monimu nopuḻing in raian inta diá mopia. Mongoraat bo mongotogat in gina in moiko.

LUKAS 16:14

Onu in siningog i Yesus tatua dinongog in intau mita in Parisi táe tongá kinosingan monia, sin mosia tua in dinoit.

LUKAS 5:30

Tongonumai degá intau in Parisi bo mototundú mita kon agama noyaat in gina in nokoontongmai kon natua, dá mosia in noḻibó kon murí-Nea mita, “Nongonu in moiko sin nongaanbí noyotakin in mononagi kon pajak bo intau mita inta diá mopia?”

LUKAS 6:7

Mototundú mita kon agama bo intau in Parisi umuran mako motayak kon taḷá i Yesus sinbá oyúon in baḻíon monia dodoyonan popongaduan kon i-Nia. Tuamai in mosia umuran monaridi mako mongo ki Yesus mongundam kon intau aka singgai in Sabat.

LUKAS 7:30

Táe intau mita in Parisi bo mototundú kon agama in doíbí notarima kon tomayá i Allah kon i monia. Mosia tua in doíbí binaptis i Yohanes.

YOHANES 11:47

Sin tuamai intau mita in Parisi bo imang mita itoi in nogaid kon rapat takin Mahkama Agama. Mosia in noḻibó, “Onu in musti aidan naton? Intau tanaa mokakitdon mogaid kon soaḷ mita inta mokoherang kon intau!

YOHANES 11:57

Mosia in noguman natua sin imang mita itoi bo intau mita in Parisi ain nopoḷuai in parenta kon ki ine in nokotaau kon onda in Yesus, musti mopotaau sinbá Sia in kodomokan.

YOHANES 7:32

Kinodongogandon in intau mita in Parisi onu in iyogombong in intau moantó soaḷ ki Yesus. Tuamai, mosia takin imang mita itoi nopotabá kon tongonumai in moḷoḷukad kon Baḷoi Tuhan bo modomok kon i Yesus.

YOHANES 7:48

“Oyúondon degá in kon sigad in itoi mita naton andeka intau in Parisi in nopirisaya kon i-Nia?

YOHANES 8:6

Ḷoḻibó monia tua in potayakanbí monia kon taḷá i Yesus, sinbá oyúon in baḻíon monia dodoyonan popotaḷáan kon i-Nia. Táe ki Yesus tongá kinumuyung bo nopomais in tononuyú-Nea kon butá.

KORINTUS 1 10:9

Kita in diábí motaau in monungkuḷ kon i Tuhan ná inta inaidan in tongonumai intau kon sigad monia tungkuḷ intua, sahingga minatoi sinobak in uḷag inta mobisa in mosia.