MARKUS 10:17 - Alkitab Singog In Mongondow Masa In Tanaa

¹⁷ Wakutu in ki Yesus nongingguput kon bobayáan bui, oyúon in intau tobatú noribatuk nopoangoi kon i-Nia. Intau tatua sinumungkud kon tayowon i Yesus bo noḻibó, “Guru inta mopia, onu in musti aidanku sinbá akuoi in motarima kon kobiagan inta mopia bo mononoi?”

MARKUS 10:17 Mawu Ofanana

SURAT I PAULUS KON JAMAAT RUM 2:7

Bo ki Allah in mobogoibí in kobiagan mopia bo mononoi kon i monia inta umuran mogaid kon inta mopia, kon i monia inta motayak kon inta momulia, inta motayak kon kahoromatan bo inta motayak kon inta mononoi.

LUKAS 10:25

Noiduduimai kon tua, oyúon mototundú kon agama namangoi bo monungkuḷ kon i Yesus. Sia in noḻibó kon i Yesus, “Pak Guru, onu degá in musti aidanku sinbá akuoi mokouḻí kon kobiagan mopia bo mononoi?”

OUMAN IN RASUL MITA 16:30

Dá dinianeadon pinobayá in ḷuai in taya dua tua bo noguman, “Tuang, onu degá in musti pomiaanku sinbá mosaḷamat in akuoi?”

OUMAN IN RASUL MITA 2:37

Naonda in mosia nokodongog kon singog i Petrus tatua noḻiai in gina monia. Bo noḻibó in mosia kon i Petrus bo kon rasul mita ibanea, “Utat mita onu degá in musti pomiaan nami?”

OUMAN IN RASUL MITA 20:32

Bo tanaa mako in posarakankudon moiko kon i Tuhan sinbá Sia in moḷukad kon i monimu bo bá moiko in umuran kumadai mako kon totabi-Nea. Ki Allah in nopuḻing kawasa inta mokorigon kon i monimu bo Sia in mobogoi kon i monimu in barakat mita inta ain sinadia-Nea kon bayongan umat-Nea.

OUMAN IN RASUL MITA 9:6

Táe tanaa mako in poguman-Ku kon inimu pobangondon bo tuotdon in kotá. Bain kon tua bo poguman-Ku kon inimu mongo onu in pokiaid-Ku kon inimu.”

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

MATIUS 17:14

Naonda in ki Yesus bo murí-Nea mita minayádon bui kon intau nobarong tatua, namangoidon in tobatú intau nokipodungkuḷ kon i Yesus bo nosumba poḷat noguman,

YOHANES 6:40

Totuu, naabí in kinoibog i Amá-Ku: Bá bayongan intau inta nokoontong kon Adí bo nopirisaya kon i-Nia mokouḻí kon kobiagan mopia bo mononoi, bo mobiag bui kon singgai ponantúan.”

DANIEL 6:10

Dá ki Datu Darius in notekengdon kon surat parenta tatua.

YOHANES 5:39

Moiko in mobalajar kon Buk Motusi sin kon bonu in raian monimu, aka natua yo mokouḻí kon kobiagan mopia bo mononoi. Bo umpakabí Buk Motusi tatua tontaní ain nobogoi in kosakusian soaḷ Akuoi.

YOHANES 3:2

Kon doḷom tobatú, sia in namangoi kon i Yesus bo noguman, “Pak Guru, kinotaauan nami kon ki Amá in pinotabábí i Allah. Sin diábí in tobatúmai intau in motaau mogaid kon soaḷ mita inta mokoherang ná inta pinomia i Pak Guru aka ki Allah diá kotaki-takinnea.”

MARKUS 12:14

Mosia in namangoi bo noḻibó kon i-Nia, “Pak Guru, kinotaauan nami ki Pak Guru in mojujur bo diá moondok kon singog i inekabí. Diábí in bunion i Pak Guru in motundú kon soaḷ inta kinoibog i Allah aidan in intau, sin ki Pak Guru in diábí mopoyoposi intau. Dá tuamai in pogumanka kon inami, ‘Aka podudui in atorang agama naton, motaau degá in moguboḻi kon pajak kon i Kaisar andeka diá? Musti moguboḻi kon pajak in kita mongo diá?’ ”

MARKUS 9:25

Naonda inontong i Yesus kon intau mobayong momangkoidon moyoḻipung, pinarentaan-Nea in dimukud moraat tatua takin singog, “Ei dimukud moraat inta bongoḷ bo bobó, Akuoi in moguman kon inimu, ḷuaidon nongkon adí tanaa bo dikadon bui tumoḷang kon inia!”

MARKUS 1:40

Tobatú intau inta pinanyaki kuḻit inta mokorongó in namangoi kon i Yesus bo sinumungkud kon tayowon-Nea poḷat noguman, “Aka kuma bo totabionpa i Amá, yo mopiabí i Amá in akuoi.”

MATIUS 28:8

Mosia ḷagi minayá nongkon poḷoḷobongan tatua, takin ondok bo pia in gina. Mosia noribatuk in minayá nopotaau kon murí mita i Yesus.

YOHANES 1 2:25

Bo naa in pinodandi i Kristus tontaní kon i naton: kobiagan motompia bo mononoi.

SURAT I PAULUS KON JAMAAT RUM 6:23

Sin aka bungai in dosa tua in popatoibí, táe kobiagan mopia bo mononoi in moyotakin i Kristus Yesus, Tuhan naton, tua in inogoibí i Allah pinomorosen.

MARKUS 10:18

Dá ki Yesus in noḻibó kon inia, “Nongonu sin iko in mogumanbí kon Akuoi in mopia? Diábí in mopia, koḻikudbí in ki Allah tontaní.

EPESUS 1:18

Poigumonku doman kon i Allah, sinbá bukáan-Nea in raian monimu sahingga in mobayagdon bo komangaḻeandon monimu in onu inta motaau harapon monimu nongkon i Allah inta nogoiní kon i monimu. Bo bá kotaauandon doman monimu kon mobayongbí totok in barakat mopia inta sinadia i Allah kon umat-Nea;

TITUS 3:7

sinbá saḷaku intau mita inta ain nokouḻí kon totabi i Yesus dá mokouḻí doman kon kobiagan mononoi ná inta harapon mako naton.

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

PETRUS 1 1:4

Kita in moharap mako sinbá mokouḻí kon barakat mita inta ain sinadia i Allah kon umat-Nea. Barakat mita tatua ain sinagú-Nea kon soroga, sahingga in diábí mogoguyaat, ande mobongkog ande mobaḷui.