MARKUS 10:14 - Alkitab Singog In Mongondow Masa In Tanaa

¹⁴ Nokoontongmai kon aid in murí-Nea mita natua, sinumorú in ki Yesus bo noguman kon i monia, “Pomayádon mako in mongoadí mita tanion in mamangoi kon i-Nakó! Dika ḷamboian in mosia, sin intaubí mita ná mosia naa in mobaḻí anggota in umat i Allah.

MARKUS 10:14 Mawu Ofanana

KINOBAḺIAN 17:7

Akuoi in mogintompodbí kon dandi-Ku kon inimu bo kon buímu dapot in kon singgai moiduduimai, bo dodandian tatua in mononoibí. Akuoi in mobaḻí ki Allahmu bo ki Allah in buí-Mu.

MAZMUR 78:4

Diábí bunion nami intua kon i adí mita nami; kami in mopotaaubí kon intau mita inta moiduduimai kon naonda in kawasa i Tuhan bo bayongan inta binaḻí-Nea inta moḷoben, takin aid-Nea mita inta mokoherang.

YESAYA 65:23

Bayongan inta aidan monia in kodapotanbí, bo ki adí mita monia in diábí daḻi-daḻí matoi. Mosia bo buí monia in barakatan-Ku modapot in mononoi.

PINOGIAPAN 14:31

Moiko ain noguman kon ki adí mita monimu in dakopon. Táe mosiabí tuata in diaan-Ku mayá in butá inta kinodoí monimu tua, bo butá tatua in mobaḻídon butá inta kobiagan monia.

MATIUS 18:10

“Pokotorop! Dika mopandang enteng kon mongoadí mita tanaa. Bá poguman-Ku kon i monimu, oyúon in malaekat monia kon soroga inta umuran moindoi kon pogot i Amá-Ku inta kon soroga. [

MATIUS 18:4

Ki ine in mokopoompá kon oaid bo mobaḻí ná mongoadí tanaa, yo sia tua in moḷobe-ḷoben kon sigad in umat i Allah.

MATIUS 19:14

Táe ki Yesus in noguman, “Pomayádon mako in mongoadí mita tanion mamangoi kon i-Nakó! Donaai toko ḷamboian in mosia, sin intau mita inta ná mosia tua in mobaḻí umat i Allah.”

MATIUS 5:10

Pia in kamang in intau inta pinogutú lantaran mogaid kon inta kinoibog i Allah; sin mosia doman tua inta moyotakin i Allah!

MATIUS 5:3

“Pia in kamang in intau inta nobogá kon tayowon i Allah, sin mosia tua inta mobaḻí umat i Allah.

MARKUS 3:5

Korogi-rogi in ki Yesus nobobui magí-mako kon intau mita inta kon tua, táe moajar doman totok in gina-Nea sin totuu motogat in gina monia tua. Onda intua Sia in noguman kon intau inta noḻempeng in ḻima tatua, “Sintakdon in ḻimamu.” Dá sinintak doman in intau tatua in ḻimanea, bo baḷú domandon nopia in ḻimanea tatua.

MARKUS 8:33

Táe ki Yesus nobobui bo inimindoi kon murí-Nea mita bo nonogur bui kon i Petrus, “Bayádon nongkon naa, ei mogogoda! Raianmu nion in raianbí in intau, deemanbí raian i Allah!”

YOHANES 3:3

Tubag i Yesus, “Totuu, kon diábí in tobatúmai in intau motaau in mobaḻí umat i Allah, aka sia in diá polahiron bui.”

YOHANES 3:5

Ki Yesus in notubag, “Totuubí in singog-Ku tanaa: aka intau bo diá polahiron nongkon tubig bo nongkon Roho i Allah, yo intau tatua in diábí motaau in mobaḻí umat i Allah.

OUMAN IN RASUL MITA 2:39

Sin moikobí bo ki adímu mita bo bayongan in intau inta kon tampat nongoyayú – tuatabí mita in intau inta inoiní i Tuhan sinbá mamangoi kon i-Nia, tuabí in pinopomakusudan in dandi i Allah tatua.”

OUMAN IN RASUL MITA 3:25

Moikodon inta motarima kon onu inta ain pinoguman mita in nabi tungkuḷ intua bo moiko in mokouḻí kon silai inta ain pinodandi i Allah kon mogoguyang naton, ná inta ain pinoguman-Nea kon i Abraham nanaa, ‘Popisí in buímu dá bayongan in intau kon dunia in barakatan.’

SURAT I PAULUS KON JAMAAT RUM 11:16

Aka roti tobatú inta muna bo ain inogoi kon i Allah, yo tua in mangaḻenea bayongan roti tatua in inogoidon komintan kon i Allah doman. Bo aka uakat in pangkoinea kapunyaan i Allah, dá mangaḻenea kon tua, tanganea mita in kapunyaanbí doman mita i Allah.

SURAT I PAULUS KON JAMAAT RUM 11:28

Popisí intau Yahudi doí notarima kon Habar Mopia nongkon i Allah, dá mosia nobaḻí saturu i Allah; bo tua in nobaḻí bidon kauntungan i monimu inta deeman intau Yahudi. Táe lantaran mosia bo ain piniḻí i Allah, dá mosia in umuran kinotabi i Allah sin popisí in mogoguyang monia.

KORINTUS 1 14:20

Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon.

KORINTUS 1 7:14

Tantú ḷoḷaki tatua in motaaubí mobaḻí umat i Allah sin aindon notonibuḷoi takin intau inta ain nobaḻí umat i Allah. Natua doman in buḷoi bobay, tantú motaau bidon doman mobaḻí umat i Allah sin ain notonibuḷoi in intau inta ain nobaḻí umat i Allah. Sin aka diá natua, yo tantú ki adí mita monia in naonda bo ki adí mita in intau inta diá nonotaau kon i Allah, táe aka duduian monimu in tongginaku naa, yo ki adí mita monimu tua in mobaḻí bidon umat i Allah.

EPESUS 4:26

Aka moiko bo tumorú, yo mokopopia sinbá diá baradosaan popisí in torúmu tatua. Dika tumorú tumongo singgai tua,

ULANGAN 4:37

Popisí in motabi in Sia kon mogoguyangmu, dá moiko aindon piniḻí-Nea; takin kawasa-Nea inta moḷoben moiko dinia-Neadon iḻumuai nongkon Mesir.

TIMOTIUS 2 1:5

Umuran kotoropanku in kopopirisayamu kon i Kristus inta totu-totuu tua naonda bo kopopirisaya i baaymu ki Lois bo ki inámu ki Eunike. Bo moyakinbí totok in akuoi kon kopopirisayamu nion ná bí doman onda bo kopopirisaya monia tua.

TIMOTIUS 2 3:15

Musti umuran toroponmu mako, kon nongkon mointokanpamai iko ain nonotaau kon Buk Motusi. Bo Buk Motusi tatua in nobogoi in pongortian kon inimu, sinbá mokouḻí kon kasaḷamatan inta pinodoyon kon pirisaya kon i Kristus Yesus.

YOSUA 8:35

Bayongan in parenta i Musa binaca i Yosua kon bayongan umat in Israel inta noyosipun kon tua, noitakin doman in bobay mita, adí mita, bo intau mita ango-angoi inta nogutun kon sigad monia.

PETRUS 1 2:2

Moiko in musti mobaḻídon naonda bo adí mointok inta bagu pinononggadí inta umuran moyogang in susu inta nongkon soroga. Aka natua yo mobiagbí bo posaḷamatonbí in moiko.

WAHYU 14:5

Mosia in diábí dodai onda in monguboḷ; bo diábí doman in mokotor kon i monia.

SAMUEL 1 1:11

Onda intua ki Hana nodandi, kainia, “O Tuhan Inta Totok in Mokawasa, indoiaipa kaasí in mogogundoi-Mu naa! Indoiaipa in rorigaku. Toropdon in mogogundoi-Mu bo dikapa koḻiongan! Aka ogoian-Mu in adí ḷoḷaki in mogogundoi-Mu naa, yo ogoikubí in sia kon ini-Mu kinoouputbí in kinobiagannea. Dandionku doman kon buoknea in diábí gonsi-gonsingan.”

SAMUEL 1 1:22

Táe kon tanaa ki Hana in diá sinumakin. Gumannea kon i buḷoinea, “Bain naonda in guaton kon teté, ki Samuel in atodonku kon Baḷoi Tuhan, bo sia in mogutundon kon tua kinoouputbí in kinobiagannea.”