MARKUS 10:1 - Alkitab Singog In Mongondow Masa In Tanaa

¹ Nongkon tua, ki Yesus nobuat bo minayá in butá in Yudea bo kon daerah inta kon ḷoḷan Ongkag in Yordan. Intau in nobayong doman in namangoi noyosipun kon diugmai Yesus. Bo ná biasamai ki Yesus mobogoi in totundú kon i monia.

MARKUS 10:1 Mawu Ofanana

MOHOHUTUBA 12:9

Ki Inta Momomikir tua in moarip bo mobijaksana. Tuamai in sinundúnea kon umat in bayongan pongotahuannea. Mobayong in amsal in binalajarnea bodongka tungkuḷannea mongo totuu.

YEREMIA 32:33

Mosia in nonaḷámaidon kon i-Nakó bo umpakabí Akuoi tantú motundú kon i monia, mosia in doíbí mokidongog bo doí doman mosadar.

MATIUS 26:55

Wakutu intua ki Yesus nosingog kon intau moantó inta namangoi nodomok kon i-Nia, “Irai monimu degá Akuoi naa mononakowbí sahingga in moiko mamangoi kodia-dia in pitow bo bobobak bo modomok kon i-Nakó? Pomuḷoi in singgai Akuoi in ḻimitú mako kon Baḷoi Tuhan, bo motundú kon tua táe diábí dinomok monimu!

MATIUS 4:23

Ki Yesus minaya-mayá mako in bayongan ḻipú kon Galilea. Sia in sinumuot bo notundú kon bonu in baḷoi pososambayangan poḷat nopotaau in Habar Mopia soaḷ naonda in ki Allah mamangoi momarenta saḷaku Datu. Kon tua Sia nongundam doman kon bayongan panyaki in intau mita inta kon tua.

MARKUS 1:21

Ki Yesus bo murí-Nea mita noidapotdon kon kotá in Kapernaum. Kon singgai in Sabat noiduduimai, ki Yesus sinumuot kon baḷoi pososambayangan bo nomangkoidon notundú.

MARKUS 10:2

Kon tua, oyúon doman in tongonumai intau in Parisi. Mosia namangoi doman sin motayak kon taḷá i Yesus. Dá mosia in noḻibó, “Podudui in agama naton, motaau degá intau in mogaat kon i buḷoinea?”

MARKUS 12:35

Wakutu in ki Yesus yogot mobogoi in totundú kon bonu in Baḷoi Tuhan, noḻibó in Sia nanaa, “Naondabí degá sin mototundú mita kon agama motaau moguman kon ki Datu Mopoposaḷamat tua in buí i Daud?

MARKUS 14:49

Pomuḷoi in singgai Akuoi kon Baḷoi Tuhan bo motundúmai kon tayowon monimu, táe diábí domokon monimu. Táe totuu kon tua in mustibí mobaḻí, sinbá mobaḻí domandon onu inta pinais kon bonu in Buk Motusi.”

MARKUS 2:13

Nopaḷut mako kon tua ki Yesus minayá bui in pintad Danow Galilea. Bayongan intau namangoi kon i-Nia. Bo Sia nobogoi in topotundú kon i monia.

MARKUS 4:2

Nobayong in sinundú-Nea táe nomaké in poumpamaan. Nanaa in totundú-Nea kon i monia.

MARKUS 6:2

Kon singgai in Sabat Sia in nomangkoidon nobogoi in topotundú kon bonu in baḷoi pososambayangan. Nobayong intau kon tua. Kon dodai in mosia nokodongog kon totundú-Nea tua, noherang totok in mosia. Mosia in noguman, “Kon onda in kinouḻían intau tanaa kon bayongan tua? Kabijaksanaan naonda in kon i-Nia nion? Naondabí sin motaaubí in Sia mogaid kon inta mokoherang?

MARKUS 6:34

Naonda in tubu monia, nobayong totok in intau inontong i Yesus kon tua. Dá totokdon inangoian tabi in Sia kon i monia, sin mosia tua naonda bo domba inta diá kogombala. Bo nomangkoidon in Sia nopoyaput in totundú kon i monia kon mobayong in soaḷ.

MARKUS 6:6

Ki Yesus noherang sin mosia in diá mopirisaya. Onda intua ki Yesus nopobayá in ḻipu-ḻipúannea inta nodiug kon tua, bo nobogoi in topotundú.

YOHANES 10:40

Onda intua ki Yesus in bui minayá kon ḷoḷan Ongkag in Yordan. Ongkag inta pinobaptisan i Yohanes koḻipod, bo ki Yesus in nogutunpa kon tua.

YOHANES 11:7

Bain nopaḷut mako kon tua bo noguman in Sia kon murí-Nea mita: “Koḻigai mayápa bui in kita in Yudea.”

YOHANES 18:20

Ki Yesus in notubag, “Akuoi in umuran taran-tarangan kon tayowon intau mobayong. Akuoi umuran doman mobogoi in totundú kon bonu in baḷoi pososambayangan bo kon bonu in Baḷoi Allah inta nobaḻí tampat poyoyosipunan intau in Yahudi. Diábí kon dodai onda Akuoi tongá umuni-uni in mosingog.