MARKUS 1:5 - Alkitab Singog In Mongondow Masa In Tanaa

⁵ Dá bayongan intau inta nongkon butá in Yudea bo inta nongkon kotá in Yerusalem namangoi nokidongog kon i Yohanes. Mosia in nongaku kon dosa mita monia, bo binaptis i Yohanes in mosia kon Ongkag in Yordan.

MARKUS 1:5 Mawu Ofanana

MAZMUR 32:5

Bo akuoi in nongakudon kon dosaku kon ini-Mu, taḷáku diá in binuniku. Sinantúkudon kon akuonku kon ini-Mu, bo inampungan-Mu in bayongan in dosaku.

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

MATIUS 4:25

Dá intau mobarong totok in dinumudui kon i-Nia. Oyúon nongkon Galilea, Dekapolis, Yerusalem, Yudea, bo oyúon doman nongkon ḻipú inta kon ḷoḷan Ongkag in Yordan.

MARKUS 1:4

Naonda inta pinais dá natua domandon in ki Yohanes noiangoi kon padang gurun. Sia in nobaptis kon intau bo nopotaau in Habar nongkon i Allah. Ki Yohanes noguman, “Moiko in musti mogogaidon in mogaid kon dosamu mita bo musti baptison, sinbá ampungan i Allah in moiko.”

MARKUS 1:6

Ki Yohanes in nogiḷambung in ḷambung inta nongkon bubuḷ in unta. Baannea in nongkon kuḻit bo kaanonnea i pangkoḷá bo biluk in kayuon.

YOHANES 1:28

Tua komintan in nobaḻí kon Betania inta kon ḷoḷanmai in Ongkag in Yordan inta pobaptisanmai i Yohanes.

YOHANES 3:23

Dodai intua ki Yohanes in diápa pinobonu monia kon ponjara dá sia in umuranpa doman nobaptis kon Ainon, ḻipu inta diá noyayú nongkon Salim, sin nobayong in tubig kon tua. Intau mita namangoi kon inia, bo binaptisnea i mosia.

YOHANES 5:35

Ki Yohanes tua in naonda bo togá noyongkit inta moponindar in bayag. Bo kon tanaa mako mosanangpabí in gina monimu in motarima kon sindar tatua.

OUMAN IN RASUL MITA 19:18

Bo nobarong totok in intau inta nopirisayadon kon i Yesus in namangoi nongaku kon tayowon in intau moantó, kon mosia nokoimontan doman in nogaid kon soaḷ mita natua.

OUMAN IN RASUL MITA 2:38

Ki Petrus in noguman kon i monia nanaa, “Pogogaidon in mogaid kon dosa in moiko bo pokibaptisdon kon bonu in tangoi i Yesus Kristus sinbá modait ampungan in dosa. Bo moiko in motarima kon Roho i Allah.

YAKOBUS 5:16

Tuamai moiko in musti mosi akuan kon taḷá bo mosi sambayangan, sinbá undaman in moiko. Sambayang in intau inta dinumudui kon ibog i Allah, moḷoben in kawasanea.

YOSUA 7:19

Ki Yosua noguman kon i Akhan, “Adíku, pongakudon bo pogumandon kosilang kon naa kon tayowon i Tuhan, Allah in Israel, onu inta ain inaidanmu. Potaaudon kon inakó, dikadon bunion.”