MARKUS 1:45 - Alkitab Singog In Mongondow Masa In Tanaa

⁴⁵ Táe intau tatua minayábí bo nongonguman magí-mako kon onu inta nobaḻí kon inia tua, sahingga in ki Yesus diádon mobebas tumuot kon kotá tatua. Sia in tongádon kon ḷuai in kotá, kon tampat mita inta moingongow. Táe bayongan intau inta nongkon ḻipu-ḻipúannea umuran doman mamangoi kon i-Nia.

MARKUS 1:45 Mawu Ofanana

MAZMUR 77:11

Bo akuoi in noguman, “Naabí in mokonakit kon ginaku, kon ki Inta Totok in moḷantud diádon nongawasa bui.”

MATIUS 28:15

Sinarima monia in doit tatua bo dinuduian monia onu inta pinoguman bo pinoki aid kon i monia. Bo ouman tanaa aindon nodapot kon intau mita in Yahudi dapot masa in tanaa.

MATIUS 9:26

Habar kon soaḷ inta nobaḻí tatua noiwayadon kon bayongan in ḻipú kon tua.

MATIUS 9:31

Táe iḷumuai in mosia bo nopotaa-taau mako kon onu inta inaidan i Yesus tatua kon bayongan in ḻipú kon tua.

MARKUS 2:13

Nopaḷut mako kon tua ki Yesus minayá bui in pintad Danow Galilea. Bayongan intau namangoi kon i-Nia. Bo Sia nobogoi in topotundú kon i monia.

MARKUS 3:20

Onda intua ki Yesus nobuidon kon baḷoi. Táe intau nobayong buipabí namangoi noyosipun, sahingga in ki Yesus bo murí-Nea mita diádon nokopongaan.

MARKUS 3:7

Noiduduimai kon tua, ki Yesus takin murí-Nea mita sinimípa bo nopobayá in Danow Galilea. Táe nobayong totok in intau nongkon Galilea in dinumudui kon i Yesus. Nobayong doman in namangoi nongkon Yudea,

MARKUS 7:36

Bo ki Yesus nolarang kon i monia komintan in mongonguman kon soaḷ tatua kon i ineka. Táe námai tua in pololarang i Yesus, táe námai tua doman in poposiar magí-mako monia.

YOHANES 6:2

Noiyaputmai in tua, mobayong in intau in dinumudui kon i-Nia sin nokoontongdon in mosia kon inta mokoherang inta pinomia i Yesus kon intau mita nongotakit inta sinokoundamanan-Nea.

TITUS 1:10

Sin nobayongdon in intau nobiag diá noitutui, torutama mosia inta nokadai kon hukum i Musa. Mosia mongonguman kon diá totuu sin makusud monguboḷ kon intau.