MARKUS 1:27 - Alkitab Singog In Mongondow Masa In Tanaa

²⁷ Bayongan intau nongoherang totok, dá nosiḻiboandon in mosia, “Onu in naa? Tobatú totundú mobagu! Takin bangkaḷon bo kawasa Sia nomarenta kon dimukud mita moraat, bo dinuduian doman monia in singog-Nea.”

MARKUS 1:27 Mawu Ofanana

MATIUS 15:31

Intau mita nongoherang in nokoontong kon onu inta inaidan-Nea tatua, sin intau bobó nokosingog, intau pelong nopia, intau ḻempeng mokobayádon, intau bilog mokoindoi. Dá mosia nodayow kon i Allah Israel.

MATIUS 8:9

Sin koḻimonikanku naa oyúon doman in itoiku. Táe koḻimonaganku oyúon doman in prajurit. Aka akuoi moguman kon prajurit tatua, bayá, dá mayábí doman in sia. Bo aka akuoi moguman kon prajurit ibanea, ‘Angoi!’ dá mamangoibí doman in sia, andeka akuoi mopotabá kon bobantungku, kon aidai in naa dá aidanneabí intua.”

MATIUS 9:33

Bo naonda in dimukud moraat tatua inuntun-Nea, dodaipa doman tatua nokosingogdon in intau tatua. Intau moantó inta kon tua nongoherang bo nosingog, “Diápa kon dodai in onda in kami in nokoontong kon ná tanion kon Israel.”

MARKUS 1:26

Dá totokdon in ginugur in dimukud moraat in intau tatua, onda intua takin karak iḷumuaidon in dimukud moraat tatua nongkon intau tatua.

MARKUS 1:28

Dá habar soaḷ ki Yesus ḷagidon noiwaya kon bayongan butá in Galilea.

MARKUS 10:24

Noherang totok in murí-Nea mita in nokodongog kon singog i Yesus tatua. Táe ki Yesus noguman doman kon i monia, “Adí-Ku mita, totuubí kon moyoyigabí in mobaḻí anggota umat i Allah!

MARKUS 10:32

Ki Yesus takin murí-Nea mita nopobayá in Yerusalem. Ki Yesus in kon muna bo murí-Nea mita in dumuduianmai kon i-Nia takin hawatir. Ná doman tua intau mita inta dumuduianmai kon i monia mongoondok doman. Noiduduimai kon tua inoiní i Yesus in murí-Nea mita bo pinopotaauan in soaḷ inta moiantug kon i-Nia.

MARKUS 16:5

Bo mosia in sinumuot kon bonu in pinoḷobongan tatua. Kon bonu in pinoḷobongan dotá in koḷanan inontong monia tobatú tayowmobiag inta nogi jubah nobudó iḻimitú mako, bo noitaḻikokog in mosia.

MARKUS 16:6

Táe tayowmobiag tatua in noguman kon i monia, “Dika moondok! Kinotaauankubí kon moiko in motayak kon i Yesus intau Nazaret inta ain pinopopakú kon kayu pinoyotaḻempang. Diábí in Sia in kon naa. Sia ain nobiag! Indoiaidon naa in tampat pinoguḻidan monia kon i Yesus.

MARKUS 7:37

Bo bayongan intau inta nokodongog kon tua moherang totok. Mosia noguman, “Tua komintan inaidan-Nea notompia! Nodapot in binaḻí-Nea intau bongoḷ nokodongog bo intau bobó nokosingog!”

LUKAS 4:36

Komintan intau in nongoherang bo nosingog, “Diábí tongá ibo-ibog in singog-Nea mita. Mokobangkaḷ totok in pososingog-Nea bo takin kawasa in Sia nokipoḷuai in dimukud mita moraat tatua, bo ḷumuai doman in mosia!”

LUKAS 9:1

Ki Yesus nogoiní kon murí-Nea inta mopuḷú bodoyowá bo nobogoi in kawasa moguntun kon dimukud moraat bo mongundam doman kon bayongan takit.

OUMAN IN RASUL MITA 17:19

Bo dinia monia in ki Paulus pinotayow kon sidang Areopagus. Kon tua mosia in noguman kon inia nanaa, “Kami in moibog monotaau kon totundú mobagu inta poyaputmumai nion.