MARKUS 1:24 - Alkitab Singog In Mongondow Masa In Tanaa

²⁴ “Ei Yesus, intau in Nazaret, onuon-Mu in kami? Mamangoi degá momutú kon inami in Iko? Kotaauankubí in Iko: Iko nion in totabá i Allah inta motusi!”

MARKUS 1:24 Mawu Ofanana

MAZMUR 16:10

Sin diábí pinomayá-Mu mako matoi in akuoi; intau inta kinotabi-Mu diábí pinomayá-Mu mako in moyopú.

IḶUAIAN 14:12

Koḻipod kon Mesir aindon pinoguman nami kon soaḷ tanaa in mobaḻíbí! Kami ain noguman kon dikadon tuyayowon in kami, bo pomayádon mako umuran mobaḻí ata in kami kon Mesir. Sin maníka mobaḻí ata kon tua dika in matoi kon padang gurun tanaa!”

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

MATIUS 2:23

Kon tua, sia nogutun kon ḻipú inta tangoinea in Nazaret. Tua komintan nobaḻí sinbá motompodon Pirman inta aindon pinoyaput i nabi mita, kon sia in tangoion, “Intau in Nazaret.”

MATIUS 8:29

Taya dua nomaḷú noropot, kai monia “Onuon-Mu in kami naa, ei Adí i Allah? Iko mamangoi degá mopoyoyiga kon inami umpaka deemanpa wakutunea?”

MARKUS 1:23

Kon wakutu intua kon bonu in baḷoi pososambayangan tatua oyúon tobatú intau inta kinotoḷangan in dimukud moraat. Intau tatua in nomaḷú,

MARKUS 1:25

“Kibio-biómai!” torú i Yesus kon dimukud moraat tatua, “Ḷuaidon nongkon intau tanaa!”

MARKUS 10:47

Naonda in kinodongogannea kon inta moitaḻib tua in ki Yesus intau Nazaret dá nomaḷú in sia, “Yesus, Adí i Daud! Kotabipa in akuoi naa!”

MARKUS 14:67

Naonda in nokoontong kon i Petrus nonayang mako kon diug in tuḷu, sinarukiranea totok in pogot i Petrus bodongka noguman, “Iko doman intau inta moyotakinmai i Yesus intau in Nazaret tatua?”

MARKUS 16:6

Táe tayowmobiag tatua in noguman kon i monia, “Dika moondok! Kinotaauankubí kon moiko in motayak kon i Yesus intau Nazaret inta ain pinopopakú kon kayu pinoyotaḻempang. Diábí in Sia in kon naa. Sia ain nobiag! Indoiaidon naa in tampat pinoguḻidan monia kon i Yesus.

MARKUS 5:7

Bo nomaḷú noropot, “Yesus, Adí i Allah inta Totok in Moḷantud! Onuon-Mu in akuoi ná? Podoyon kon tangoi i Allah, akuoi mopoigum kon ini-Mu, donaai rorigaan in akuoi!” (

LUKAS 1:35

Dá tubag in malaekat tatua kon inia nanaa, “Roho i Allah takin kawasa-Nea inta totok in moḷantud mamangoi bo mongawasa kon inimu. Tuamain Adí inta polahirmu tua in tangoion Mokudus, ki Adí i Allah.

LUKAS 24:19

Dá ki Yesus in noḻibó doman, “Onu intua?” Tubag monia doman, “Soaḷ inta nobaḻí kon i Yesus intau in Nazaret tua. Sia tua in tobatúbí nabi. Singog bo oaid-Nea mita totokbí in mokawasa – pinomayá kon mata i Allah andeka kon mata in bayongan intau.

LUKAS 4:34

“Ei Yesus, intau in Nazaret, onuon-Mu in kami? Degá mamangoi in Iko momutú kon inami? Kinotaauankubí in Iko: Iko in totabá inta Motusi nongkon i Allah!”

LUKAS 8:28

Naonda in sia nokoontong kon i Yesus, kinumarak in sia bo sinumungkud kon tayowonmai i Yesus bo nomaḷú, “Ei Yesus, ki Adí i Allah inta Totok in Moḷantud! Onuon i Tuhan in akuoi naa? Poigumonku totok kon i Tuhan, dika rorigaan in akuoi!”

LUKAS 8:37

Sahingga intau mita inta kon ḻipú in Gerasa tua nopoigum kon i Yesus, sinbá taḷaan-Nea in mosia sin moondokdon totok in mosia. Dá ki Yesus sinumakoidon bui kon uangga bo nonaḷámai kon i monia.

YOHANES 6:69

Kami naa in nopirisaya bo noyakin bidon kon ki Tuhanbí in totabá inta motusi nongkon i Allah.”

OUMAN IN RASUL MITA 2:27

Sin diábí pomayá-Mu mako in rohoku in kotaḷáan kon dunia intau minatoi. Bo diábí doman pomayá-Mu mako in ata-Mu inta umuran kodu-kodudui in moindoi kon koyoyangan in awak.

OUMAN IN RASUL MITA 24:5

Aindon kinokadapatan nami kon intau tanaa mongongacaubí inta mokobahaya. Sin kon ondakabí in bayáannea, sia in umuran mokopomuká kon ropatoi kon sigad in intau Yahudi. Sia naa in nobaḻídon itoi intau in Nazaret.

OUMAN IN RASUL MITA 3:14

Sia tua inta mokudus bo inta mobanar táe moiko in doí notarima kon i-Nia sin intaubí moḷoḻimod in kinoibog monimu buḻian saḷaku tombuinag kon i monimu.

OUMAN IN RASUL MITA 4:27

Sin totuubí kon ki Herodes bo ki Pontius Pilatus aindon noyosipun kon kotá tanaa takin intau mita inta diá nonotaau kon i Tuhan bo intau mita in Israel sin moḷawang kon i Yesus, simpaḷ-Mu inta ain piniḻí-Mu bo inta kinoibog-Mu.

YAKOBUS 2:19

Tantú moiko in mopirisayabí kon ki Allah in tongábí tobatú toh? Bá kotaauan monimu kon dimukud mita moraat in mopirisayabí doman kon tua bo uyotbí doman mako in mosia sin moondok!

YOHANES 1 2:20

Táe moiko in notarimadon kon Roho i Allah inta ain inogoi i Yesus Kristus, manangka intua moiko in nonotaaudon kon totundú mita inta nobanar.

WAHYU 3:7

“Paisdon kon malaekat in jamaat kon Piladelpia nanaa: Naadon in koyow nongkon i-Nia inta Mokudus, Inta Mobanar bo ki Inta nokadai kon kokunsi i Daud; Aka Sia in mobuká yo diábí tobatúmai in mokoḻingkop; bo aka ḻingkopan-Nea, yo diábí doman tobatúmai in mokobuká.