MARKUS 1:21 - Alkitab Singog In Mongondow Masa In Tanaa

²¹ Ki Yesus bo murí-Nea mita noidapotdon kon kotá in Kapernaum. Kon singgai in Sabat noiduduimai, ki Yesus sinumuot kon baḷoi pososambayangan bo nomangkoidon notundú.

MARKUS 1:21 Mawu Ofanana

MATIUS 4:13

Sia nonaḷámai kon Nazaret bo minayá nogutun kon Kapernaum, kon bingkí in Danow Galilea, kon butá in Zebulon bo Naptali,

MATIUS 4:23

Ki Yesus minaya-mayá mako in bayongan ḻipú kon Galilea. Sia in sinumuot bo notundú kon bonu in baḷoi pososambayangan poḷat nopotaau in Habar Mopia soaḷ naonda in ki Allah mamangoi momarenta saḷaku Datu. Kon tua Sia nongundam doman kon bayongan panyaki in intau mita inta kon tua.

MARKUS 1:20

Daḻí bo inoiní i Yesus in mosia. Dá sinaḷáanmaidon monia in ki amá monia inta kon bonupa in uangga takin intau mita inta ginajian i amá monia. Bo minayádon in mosia dinumudui kon i Yesus.

MARKUS 1:29

Naonda iḷumuai mako nongkon baḷoi pososambayangan tatua, ki Yesus takin i Yakobus bo i Yohanes minayá in baḷoi i Simon bo i Andreas.

MARKUS 1:33

Bayongan intau kon kotá tatua noyosipun kon muna in baḷoi tatua.

MARKUS 1:39

Dá ki Yesus minaya-mayádon mako kon bayongan in ḻipú kon Galilea bo nopotaau in Habar Mopia kon bonu in baḷoi pososambayangan monia bo noguntun kon dimukud mita moraat.

MARKUS 10:1

Nongkon tua, ki Yesus nobuat bo minayá in butá in Yudea bo kon daerah inta kon ḷoḷan Ongkag in Yordan. Intau in nobayong doman in namangoi noyosipun kon diugmai Yesus. Bo ná biasamai ki Yesus mobogoi in totundú kon i monia.

MARKUS 2:1

Tongonumai nosinggai noiduduimai kon tua, ki Yesus in minayádon bui in Kapernaum bo noisiardon in habar kon Sia in oyúon kon baḷoi.

MARKUS 3:1

Ki Yesus sinumuot bui kon baḷoi pososambayangan. Kon tua oyúon tobatú intau inta ḻimanea tosimpaḷ noḻempeng.

MARKUS 6:2

Kon singgai in Sabat Sia in nomangkoidon nobogoi in topotundú kon bonu in baḷoi pososambayangan. Nobayong intau kon tua. Kon dodai in mosia nokodongog kon totundú-Nea tua, noherang totok in mosia. Mosia in noguman, “Kon onda in kinouḻían intau tanaa kon bayongan tua? Kabijaksanaan naonda in kon i-Nia nion? Naondabí sin motaaubí in Sia mogaid kon inta mokoherang?

LUKAS 10:15

Bo moiko, Kapernaum! Degá kainimu kamai dá poḷantudonbí in iko dapot in soroga? Bá pogumanku, Diábí! Sedang bo moiko nion in pogonagbí kon naraka!”

LUKAS 13:10

Kon singgai in Sabat, ki Yesus minayá in baḷoi pososambayangan bo nobogoi in totundú.

LUKAS 4:16

Ki Yesus minayá doman in Nazaret, tobatú ḻipú inta kinoitoian-Nea. Kon singgai in Sabat, podudui in kabiasaan-Nea, Sia minayá in baḷoi pososambayangan. Sia in sinimindog bo nobaca kon Buk Motusi,

LUKAS 4:23

Dá ki Yesus in noguman nanaa, “Tantú nanaabí in singogon monimu kon i-Nakó, ‘Ei mongongundam, undamaidon in awak-Mu tontaní. Bo aidai domandon kon naa, kon ḻipú-Mu tontaní in onu inta ain dinongog nami inaidan-Mu kon Kapernaum!’ ”

OUMAN IN RASUL MITA 17:2

Dá ki Paulus minayá in baḷoi pososambayangan tatua bo ná biasamai aidannea aka oyúon in baḷoi pososambayangan ontongonnea – sia in mongonguman takin intau mita kon tua soaḷ tombonu in Alkitab. Toḷu nodiminggu noyodudui sia in sinumuotmai kon baḷoi pososambayangan tatua.

OUMAN IN RASUL MITA 18:4

Táe aka kon singgai in Sabat, yo tantúbí in ki Paulus mayá in baḷoi pososambayangan bo moyoyosingoganmai in bayongan intau Yahudi andeka intau mita in Yunani, sinbá mopirisaya in mosia kon i Yesus.