MARKUS 1:20 - Alkitab Singog In Mongondow Masa In Tanaa

²⁰ Daḻí bo inoiní i Yesus in mosia. Dá sinaḷáanmaidon monia in ki amá monia inta kon bonupa in uangga takin intau mita inta ginajian i amá monia. Bo minayádon in mosia dinumudui kon i Yesus.

MARKUS 1:20 Mawu Ofanana

DATU MITA IMITÁNEA 19:20

Dá ki Elisa in nonaḷámaidon kon sapinea mita tatua bo noribatuk in nogaḷow kon i Elia, poḷat noguman, “Ogoiaipa in wakutu akuoi mayá moguman kon guyangaku, bain tua bo dumudui in akuoi kon i Amá.” Tubag i Elia, “Aidaidon. Diábí in akuoi mongampag kon inimu.”

MATIUS 10:37

Ki ine in motabi kon i amánea andeka kon i inánea moiḻiu kon tabinea kon i-Nakó sia tua in diá patus mobaḻí dumodudui-Ku. Natua doman ki ine in motabi kon i adínea ḷoḷaki andeka bobay bo moiḻiu kon tabinea kon i-Nakó, sia doman tua in diá patus mobaḻí dumodudui-Ku.

MARKUS 1:19

Ki Yesus nongingguput kon bobayáan-Nea bo nokoontong doman bui kon intau doyowa mogutat ibanea, ki Yakobus bo ki Yohanes in tangoi monia. Taya dua naa ki adí i Zebedeus. Mosia naa kon bonupa in uangga monompiamai kon landará monia.

MARKUS 1:21

Ki Yesus bo murí-Nea mita noidapotdon kon kotá in Kapernaum. Kon singgai in Sabat noiduduimai, ki Yesus sinumuot kon baḷoi pososambayangan bo nomangkoidon notundú.

MARKUS 10:29

Dá kai Yesus doman, “Popirisayabí: intau inta ain nonaḷámai kon tombonu in baḷoinea, ande kon i utatnea ḷoḷaki, ande kon i utatnea bobay, ande kon i inánea, ande kon i amánea, ande kon i adínea mita, ande kon gobánea popisí in Akuoi bo popisí doman in Habar Mopia nongkon i Allah,

LUKAS 14:26

“Aka intau mamangoi kon i-Nakó, táe sia in motabi-tabi kon i iná bo kon i amánea andeka kon i adíneabí bo kon i buḷoinea bo kon awaknea tontaní, yo sia tua in diá motaau mobaḻí dumodudui-Ku.

LUKAS 5:11

Dá ki Simon takin yobayatnea mita in nogugutdon kon uangga tatua pinobayá in toba, onda intua sinaḷaandon monia intua komintan bo dinumudui kon i Yesus.

KORINTUS 2 5:16

Manangka intua, kami in diábí monilai kon intau podudui in raian intau. Aka koḻipod bo nokoimontandon in kami nonilai kon i Kristus podudui in raian intau, yo masa inta naa in diá bidon natua.

ULANGAN 33:9

Mosia in mosatia kon ini-Mu noiḻiu kon ibanea mako, noiḻiu kon guyanga bo ginaḷum motoḷuadí. Parenta-Mu mita in dinuduian monia, dodandian-Mu in inintompodan monia.