MARKUS 1:16 - Alkitab Singog In Mongondow Masa In Tanaa

¹⁶ Wakutu in ki Yesus minayá nongin pintad in Danow Galilea, nokoontong in Sia kon intau doyowa inta mododomok kon toyá in oaidan monia. Ki Simon bo ki ai-ainea ki Andreas in tangoi monia. Mosia in koyogot molandará kon danow tatua.

MARKUS 1:16 Mawu Ofanana

MATIUS 10:2

Naa in tangoi monia mopuḷú bodoyowá tua: Ki Simon (inta dinonoi ki Petrus) bo ki Andreas ki utatnea, ki Yakobus ki adí i Zebedeus bo ki Yohanes ki utatnea.

MARKUS 3:16

Naa in tangoi monia mopuḷú bodoyowá tua: Ki Simon (inta dinonoi doman ki Petrus),

MARKUS 3:18

ki Andreas, ki Pilipus, ki Bartolomeus, ki Matius, ki Tomas, ki Yakobus ki adí i Alpeus, ki Tadeus, ki Simon intau in Zelot,

LUKAS 6:14

Ki Simon (inta dinonoi ki Petrus), bo ki Andreas ki utat i Simon; ki Yakobus bo ki Yohanes, ki Pilipus bo ki Bartolomeus,

YOHANES 12:22

Dá binayá i Pilipus pinotaau kon i Andreas in soaḷ tatua, bo onda intua taya duadon in minayá kon i Yesus bo nopotaau.

YOHANES 6:8

Murí i Yesus tobatú inta ki Andreas ki utat i Simon Petrus noguman kon i Yesus,

OUMAN IN RASUL MITA 1:13

Kon Yerusalem in mosia minayá in baḷoi inta pinogutunan monia. Mosia namonik in yuang inta pinongaanan monia wakutu in Singgai Moḷoben Paska. Naa in tangoi monia tua: Ki Petrus, ki Yohanes, ki Yakobus, ki Andreas, ki Pilipus, ki Tomas, ki Bartolomeus, ki Matius, ki Yakobus inta ki adí i Alpeus, ki Simon intau in Zelot bo ki Yudas adí i Yakobus;