LUKAS 2:6 - Alkitab Singog In Mongondow Masa In Tanaa

⁶ Naonda in mosia kon Betlehem notompodon in wakutu i Maria mononggadí.

LUKAS 2:6 Mawu Ofanana

MAZMUR 33:11

Táe tomayá i Tuhan in umuranbí mobaḻí, toimbaḷoi-Nea in moroton kinoouput in kobiagan.

AMSAL 19:21

Intau mobayong in tomayá, táe tongábí onu in sinantú i Tuhan in mobaḻí.

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

LUKAS 1:57

Noiduduimai kon tua nodapotdon singgai pononggadían i Elisabet, sia nopolahir in adí ḷoḷaki.

LUKAS 2:5

Sia takin i Maria ki kantangnea inta sidiadon tua, nokipais doman in tangoi monia.

LUKAS 2:7

Sia nopolahir in adí ḷoḷaki, ki adínea guya-guyang. Adí tatua binakutnea in yumbit in daing bodongka pinouḻid kon bonu in duḷang sin mosia in diá nokouḻí kon baḷoi pinongandupan.