KORINTUS 2 9:6 - Alkitab Singog In Mongondow Masa In Tanaa

⁶ Torop kopira in singogku naa! Intau inta nomuḷa kon topiḻik, topiḻik doman in mouḻínea, táe intau inta nomuḷa kon nobayong, yo mobayong doman in mouḻínea.

KORINTUS 2 9:6 Mawu Ofanana

AMSAL 11:18

Kauntungan in intau moraat in kauntunganbí inta diá in mangaḻenea, kauntungan in intau inta nogaid kon inta mopia in kauntungan inta moḷoben in mangaḻenea.

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

AMSAL 22:9

Intau inta mopia in gina barakatan i Tuhan, tuamai mosilai in sia kon rijiki kon intau inta kinodaitan.

MOHOHUTUBA 11:1

Paké in doitmu kon totayakmu kon ḷuai in ḻipú. Notantúbí kon mokouḻí in iko kon untung kon singgai moiduduimai.

MOHOHUTUBA 11:6

Ponabudon in bibitmu kon dodai in doḷo-doḷom bo dika mogogai in doḷom. Sin diábí kotaauan naton mongo bibit táonda in mopia in kobobiagnea. Dika-dika bo tumpaḷabí in sia mobiag motompia.

LUKAS 6:38

Pobogoibí kon intau ibanea; sinbá ogoian doman i Allah in moiko moiḻiu kon inta inogoimu kon intau ibanea.”

KORINTUS 1 1:12

Nanaa in makusudku, kon sigad monimu oyúon in noguman, “Akuoi in dumoduduibí i Paulus,” bo oyúon doman in moguman, “Akuoi in dumoduduibí i Apolos,” bo ibanea doman in moguman, “Akuoi in dumoduduibí i Petrus,” bo ibanea mako in moguman kon, “Akuoi naa in dumoduduibí i Kristus.”

KORINTUS 1 15:20

Táe totu-totuubí kon ki Kristus aindon biniag bui nongkon sigad in intau mita minatoi. Bo Siata inta nopobaḻí dodoyonan in pirisaya naton kon intau mita inta ain minatoi in biagonbí bui.

KORINTUS 1 7:29

Nanaa in makusudku uḻe utat mita: Nopoḷokdon in wakutu naton. Tuamai nongkon masa in tanaa, intau inta kobuḷoi, kobiagdon naonda bo intau inta diápa kobuḷoi;

KORINTUS 2 9:10

Sinadia-Neadon bibit kon intau inta mogogambor bo kaanon kon i naton. Siabí doman inta moposadia in bibit inambor monimu tatua, sinbá bungai in kopopia in gina monimu moguntu-guntuḷ domandon.

KORINTUS 2 9:5

Manangka intua, iraikumai yo maní potabákudon muna mamangoi kon i monimu in mosia, sinbá motaau monouḷut muna kon onu inta ogoi monimu podudui in dandi monimu tungkuḷ intua. Aka natua yo moniatadon kon onu in inogoi monimu nion inogoibí takin nosanang in gina bo deemanbí tongá pakisa.

GALATIA 3:17

Makusudku nanaa: Dandi i Allah aindon inaidan bo aindon muna pinosah. Tuamai hukum i Musa inta inogoi kon taong 430 noiduduimai, diábí motaau monginggamá kon tua andeka momopat kon dandi i Allah tatua.

GALATIA 5:16

Nanaabí in makusudku: Kobiagdon in moiko podudui kon ibog in Roho i Allah, donaaibí moibog mobiag podudui ibog in intau.

EPESUS 4:17

Tuamai in podoyon kon tangoi i Tuhan, naa in singogku bo ponoropku: donaai in mobiag naonda bo intau inta diá nonotaau kon i Allah bo tongá morai kon inta diá in mangaḻenea.

KOLOSE 2:4

Naa in pogumanku kon i monimu, sinbá diá in moiko uboḷan in intau mita inta tongá mopia kon bibig.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.