KORINTUS 2 9:4 - Alkitab Singog In Mongondow Masa In Tanaa

⁴ Sin moḻia-ḻiaw in ginaku, dikabo oyúon in intau mita in Makedonia mamangoi moyotakinku kon wakutu in mopoangoi kon i monimu. Bo aka mouḻí magí monia in moiko bo diápa nobasadia, yo mooyá totok in kami kon i monimu! Ná doman tua, moiko doman in mooyá.

KORINTUS 2 9:4 Mawu Ofanana

SURAT I PAULUS KON JAMAAT RUM 15:26

Sin jamaat mita kon Makedonia bo kon Akhaya ain notobatú kon gina bo nobogoi in totuḷung kon utat mita inta nobiag nobogá kon sigad in umat i Allah kon Yerusalem.

KORINTUS 1 16:2

Kon singgai dungkuḷ pomuḷoi in diminggu, moiko in munadon monondí kon doit inta posumbang tua podudui onu in mouḻí monimu tontaní. Tagú intua modapot in moiangoi in akuoi, sinbá diá bain mamangoi in akuoi bodongka mulai mosipun in moiko.

KORINTUS 2 11:17

Moiduduimai naa, modaitku tangoion onu inta mokoḷunganga kon ginaku, táe deemanbí ki Tuhan in nomarenta nokipoguman in naa kon i nakó. Mangaḻenea totu-totuupabí akuoi in nosingog naonda bo intau bodok.

KORINTUS 2 8:24

Tuamai poigumon nami, poniatabí in tabi monimu kon i monia, sinbá bayongan in jamaat monotaaudon kon moiko in motabibí kon i monia, bo onu in dinui-duímai nami soaḷ moiko moniata kon totuubí.

KORINTUS 2 9:2

Sin kotaauanku bidon kon moiko in moibogbí motuḷung, bo moiko in umurankubí dinui-duí kon yua-yuak in intau in Makedonia. Pinogumankudon kon i monia kon nongkon taongpabí inta nopaḷut naa in tai utat mita kon Akhaya ain nobasadia mobogoi in sumbangan. Bo lantaran totok domandon in gina monimu, dá intau ibanea in totok domandon noibog.

PILEMON 1:19

Yo tanaa akuoi in momaisdon tontaní kon tanaa: Akuoi, ki Paulus, moguboḻi kon bayongan boḻinea. (Tantú diá bidon paraḷuku ponorop bui kon i Utat, kon iko tontaní in koboḻibí doman kon inakó, boḻimu tua in kobiagan mobagu saḷaku intau Keresten.)