KORINTUS 2 9:13 - Alkitab Singog In Mongondow Masa In Tanaa

¹³ Bo nongkon oaid mopia inta ain pinoontong monimu tua, mobayong intau in Keresten kon Yudea modayow kon i Allah popisí ontongon monia in kototoindudui monimu kon Habar Mopia soaḷ ki Kristus inta duduiandonmai monimu tua. Bo modayow doman in mosia kon i Allah, sin popisí in kopopia in gina monimu moibog mosila-silai mako kon i monia bo kon intau mita ibanea, onu in oyúon kon inimu.

KORINTUS 2 9:13 Mawu Ofanana

MAZMUR 50:23

Intau inta moposumba in sukur mobaḻí kurubannea, siabí tua inta mohoromat kon i-Nakó; bo kon intau inta nosadia kon daḷan in poontong-Kubí in kasaḷamatan nongkon i-Nakó.”

MATIUS 5:16

Natua doman bayagmu musti monindar kon tayowon in intau, sinbá ontongon monia in oaidmu mita inta mopia bo modayow kon i Amámu inta kon soroga.”

MATIUS 9:8

Intau moantó inta nokoontong kon onu inta nobaḻí tatua noondok bo nodayow kon i Allah inta ain nobogoi in kawasa ná domai tua in koḷoben kon intau.

LUKAS 6:46

“Nongonu sin moiko in mokuukbí kon i-Nakó, ‘Tuhan, Tuhan,’ bokaka bo doíbí in mogaid kon onu inta pinoki aid-Ku?

YOHANES 15:8

Aka moiko momungai modatog, yo ki Amá-Ku in pomuliaan; bo moiko in totu-totuudon mobaḻí murí-Ku mita.

OUMAN IN RASUL MITA 11:18

Naonda in dinongog monia intua, nopiadon in gina monia komintan poḷat nodayow kon i Allah. Kai monia, “Aka natua, dá intau mita inta deeman Yahudi inogoianbí doman i Allah in kasampatan mogogai in mogaid kon dosa mita bo mokouḻí kon kobiagan mononoi!”

OUMAN IN RASUL MITA 4:21

Sidang tatua diá nokouḻí kon taḷá tobatúmai inta motaau baḻíon monia dodoyonan pohukuman kon i nayadua. Dá pangabisannea binuḻian monia in rasul mita tatua sin moondokdon in mosia kon intau moantó inta moduímai kon tangoi i Allah sin mosia ain nokoontong kon bayongan inta ain nobaḻí.

SURAT I PAULUS KON JAMAAT RUM 10:16

Táe diábí komintan intau in motarima kon Habar Mopia tatua. Sin ki Nabi Yesaya in noguman, “Tuhan ki inebí in mopirisaya kon habar inta pinoyaput nami?”

SURAT I PAULUS KON JAMAAT RUM 12:8

Intau inta nokouḻí kon totabi mononggina kon intau ibanea, yo musti in sia totu-totuu mononggina kon intau ibanea. Ki ine in mosila-silai mako kon yagi-yagi, yo musti totu-totuu aidannea intua. Intau inta nokouḻí kon totabi mobaḻí itoi, yo musti in sia mobaḻí itoi totu-totuu. Intau inta nokouḻí kon totabi moponiata in tabi kon tumpaḷa intau, yo mustibí aidannea intua takin sanang in gina.

SURAT I PAULUS KON JAMAAT RUM 15:31

Sambayangaidon sinbá pilatandon i Allah in akuoi nongkon kawasa in intau mita kon Yudea inta diá mopirisaya bo bá oaidanku in modia kon totuḷung kon Yerusalem tarimaan in umat mita i Allah kon tua takin sanang in gina.

SURAT I PAULUS KON JAMAAT RUM 16:26

Táe masai naa, podudui in parenta i Allah inta mononoi, tomayá tatua ain pinoniata bo ain pinotaau kon bayongan intau, inta pinongin onu inta ain pinais in nabi mita, sinbá mosia komintandon mopirisaya bo motoindudui kon i Allah.

KORINTUS 2 10:5

kami in momutoḷ kon tomayá mita inta diá mopia bo mogumpag kon onu inta pinosindog noidoyon kon kaḷakuang in intau sin pomayow kon ibog monotaau kon i Allah. Bo mopotaḷá in raian in intau mita inta diá mopia bo aidan sinbá moitungkud kon tayowon i Kristus.

KORINTUS 2 2:12

Kon wakutu in noiyaputdon kon Troas sin makusud mopoyaput in Habar Mopia soaḷ ki Kristus, akuoi in inogoian i Tuhan in daḷan mogaid kon tua.

KORINTUS 2 8:4

mosiabí tontaní in nopoigum totok kon inami sinbá ogoian doman in kasampatan in mosia motuḷung kon umat mita i Allah kon Yudea.

KORINTUS 2 9:14

Dá tantú monia sambayangan in moiko takin tabi modaḷom lantaran pia in gina i Allah kon inimu.

GALATIA 1:24

Dá mosia totokdon in nodayow kon i Allah sin akuoi in nopirisaya domandon kon tua.

TIMOTIUS 1 6:12

Poramujidon totu-totuu mobiag saḷaku intau inta mopirisaya kon i Kristus. Mobiag mobanar bá mouḻímu in kobiagan mononoi. Sin tuabí in mangaḻe in pinogoinían i Allah kon inimu bo tua doman komintan inta umuran inakumu kon tayowon in intau moantó.

TIMOTIUS 1 6:13

Bo tanaa mako, kon tayowon i Allah inta ain nobogoi in kobiagan kon bayongan in yagi-yagi, bo kon tayowon i Kristus Yesus inta ain noguman kon onu in totuu kon i Pontius Pilatus. Poigumonku in naa kon inimu:

IBRANI 10:23

Koḻigai in kita mokopotantú kon pirisaya bo umuran kumadai kon onu inta inakudon naton bo inta i harap mako naton, sin Sia inta nodandi in tantúbí mobogoi in onu inta ain pinodandi-Nea tatua.

IBRANI 13:16

Donaai koḻiongan monimu in mogaid kon inta mopia bo mosituḷungan, sin naabí in kuruban mita inta mokosanang totok kon gina i Allah.

IBRANI 3:1

Utat mita tumpaḷa Keresten inta ain inoiní i Allah! Raika monimu koako-ako in soaḷ ki Yesus naa! Sia ain pinotabá mangoi i Allah sinbá mobaḻí Imang Moḷoben kon agama inta dinuduian naton.

IBRANI 4:14

Manangka intua, musti umuran in kita kumadai kon onu inta ain ináku bo pinirisaya naton sin oyúondon in Imang naton momulia bo inta moḷoben. Sia ain sinumuot dapot kon tayowon i Allah, Sia tuata in ki Yesus ki Adí i Allah.

IBRANI 5:9

Dá naonda in Sia binaḻídon mopoposaḷamat inta nosompurna, Sia in nobaḻídon pangkoi in kasaḷamatan inta mononoi kon bayongan intau inta umuran dumudui kon parenta-Nea.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.

RUT 2:19

Dá nogumandon in ki Naomi kon inia, “Kon onda in kinouḻíanmu kon bayongan in tanaa? Kon gobá i ine in pinogaidanmu singgai in naa? Poigumon mako ki Allah momarakat kon intau inta nopoaid in mopia kon inimu tua!” Dá inoumandon i Rut kon i Naomi kon sia in minayá nopuyut kon gandum kon gobá in intau inta ki Boas in tangoinea.