KORINTUS 2 8:8 - Alkitab Singog In Mongondow Masa In Tanaa

⁸ Naa in potaauku kon i monimu deemanbí saḷaku parenta. Táe moponorop kon nobayongdon totok intau moramuji motuḷung kon tumpaḷa intau, tuamai moibog doman in akuoi monotaau mongo nodapot domandon onda in tabi monimu kon tumpaḷa intau.

KORINTUS 2 8:8 Mawu Ofanana

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

SURAT I PAULUS KON JAMAAT RUM 12:9

Kotabibí takin gina motuḻid. Poyayú inta moraat bo kadai kon onu inta mopia.

KORINTUS 1 7:12

Bo tanaa in tongginaku kon intau mita ibanea mako, naa in tongginakubí tontaní, deemanbí i Tuhan, aka intau Keresten bo kobuḷoi kon bobay inta diá mopirisaya kon i Kristus, bo ki buḷoinea bobay tatua in moibog mobiag moyotakinnea, yo diábí motaaunea gaaton in ki buḷoinea bobay tatua.

KORINTUS 1 7:25

Sabanarnea akuoi in diábí notarima kon parenta i Tuhan kon soaḷ intau mita inta diápa nokipobuḷoi. Táe saḷaku intau inta mopirisaya inta ain inogoian-Nea in totabi inta motaau pirisayaanmai, dá mononggina in akuoi.

KORINTUS 1 7:6

Onu in pinogumanku kon i monimu naa in deemanbí parenta, táe tongginabí.

KORINTUS 2 6:6

Takin gina motuḻid, mobijaksana, mosabar bo mopia in gina, pinoniatadon nami kon kami in mogogundoibí i Allah. Bo takin kinumadai kon totuḷung in Roho i Allah, bo takin tabi inta noiḷuai nongkon gina inta motuḻid,

KORINTUS 2 8:10

Aka podudui in raianku, yo noitutui bidon totok aka moiko bo moginḷapat kon onu inta ain pinangkoi monimu taong inta nopaḷutmai naa. Sin moikobí inta muna-munamai norai bo nomangkoi kon oaidan tanaa.

KORINTUS 2 8:24

Tuamai poigumon nami, poniatabí in tabi monimu kon i monia, sinbá bayongan in jamaat monotaaudon kon moiko in motabibí kon i monia, bo onu in dinui-duímai nami soaḷ moiko moniata kon totuubí.

KORINTUS 2 9:2

Sin kotaauanku bidon kon moiko in moibogbí motuḷung, bo moiko in umurankubí dinui-duí kon yua-yuak in intau in Makedonia. Pinogumankudon kon i monia kon nongkon taongpabí inta nopaḷut naa in tai utat mita kon Akhaya ain nobasadia mobogoi in sumbangan. Bo lantaran totok domandon in gina monimu, dá intau ibanea in totok domandon noibog.

KORINTUS 2 9:7

Táe poigumonku mako moiko mobogoibí takin pia in gina, diá tongá pakisa, sin intaubí inta mobogoi takin pia in gina in kotabi i Allah.

EPESUS 4:15

Táe! Mustibí in kita mopoontong in aid mita inta moitutui takin tabi moḷoben, sahingga kon bayongan in yagi-yagi kita modugangdon mosompurna naonda bo ki Kristus inta tongguḷu naton.

EPESUS 6:24

Igumon doman mako barakatan i Allah in moiko komintan inta motabi kon i Tuhan naton inta ki Yesus Kristus takin tabi inta diá moobo-obot. Horomat nami, Ki Paulus

IBRANI 10:24

Bo kita in mustibí mosiindoian, sinbá umuran motaau mosiponoropan kon bá motabi kon tumpaḷa intau bo momia doman kon soaḷ mita inta mopia.

YOSUA 24:14

“Dá, tanaa,” ki Yosua noguman doman nanaa, “horomatonbí in ki Tuhan. Pogundoidon kon i-Nia takin gina motuḻid bo mosatia. Ḷumbúdon in toḻindua in Tuhan inta sinumba in mogoguyangmu koḻipod kon Mesopotamia bo Mesir. Tongádon ki Tuhan in pogundoian.

PETRUS 1 1:22

Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.