KORINTUS 2 8:4 - Alkitab Singog In Mongondow Masa In Tanaa

⁴ mosiabí tontaní in nopoigum totok kon inami sinbá ogoian doman in kasampatan in mosia motuḷung kon umat mita i Allah kon Yudea.

KORINTUS 2 8:4 Mawu Ofanana

MATIUS 10:42

Bo ki ine in mobogoi in tubig noanai inumon, umpakabí tongá topalo kon intau inta bogá naa, sin sia in dumodudui-Ku, poguman-Ku kon i monimu, popirisayabí kon sia tua in mokouḻíbí kon boḻi in pinogaidannea!”

MATIUS 12:50

Sin ki inekabí inta mogaid kon inta kinoibog i Amá-Ku kon soroga, yo sia tua in ki utat-Ku mita ḷoḷaki, bo ki utat-Ku bobay, bo sia in ki iná-Ku doman.”

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

MARKUS 14:7

Sin aka intau mita inta nobogá umuranbí oyúon in kon sigad monimu. Aka moibog motuḷung in moiko kon i monia, yo pomuḷoi mako motaaubí. Táe Akuoi in diábí pomuḷoi mako in moyotakin monimu.

OUMAN IN RASUL MITA 11:29

Dá dumodudui mita in notobatú kon gina bo nosipun kon totuḷung podudui in komampuan tobatú bo tobatú. Totuḷung tatua in inogoi monia kon utat mita inta kon Yudea.

OUMAN IN RASUL MITA 16:15

Dá mosia tobaḷoian in nodait binaptis. Naonda in nopaḷut binaptis, inoinínea in kami poḷat noguman in sia, “Aka rasaanmai i utat mita kon akuoi in totu-totuu bidon mopirisaya kon i Tuhan Yesus, dá koḻigai mongandupa kon baḷoiku.” Totoknea in pakisaan sinbá duduianpa nami in oigumnea tatua.

OUMAN IN RASUL MITA 24:17

Bo naonda in tongonumaidon notaong in nonaḷámai kon Yerusalem, akuoi in nobui mangoi kon tua sin modia kon doit inta pinotuḷung kon bangusaku bo mayá doman mobogoi in sosumba kon i Allah.

SURAT I PAULUS KON JAMAAT RUM 15:31

Sambayangaidon sinbá pilatandon i Allah in akuoi nongkon kawasa in intau mita kon Yudea inta diá mopirisaya bo bá oaidanku in modia kon totuḷung kon Yerusalem tarimaan in umat mita i Allah kon tua takin sanang in gina.

KORINTUS 1 16:1

Moiduduimai naa, soaḷ doit inta ogoi monimu posumbang kon intau mita Keresten. Anjuronku sinbá aidan monimu podudui in totundú inta pinogumanku kon jamaat mita inta kon Galatia.

KORINTUS 1 16:15

Tantú kinotaauan bidon monimu in ki Stepanus bo motoḷuadínea; mosia tua inta muna-munamai nobaḻí Keresten kon Akhaya. Mosia tua in totu-totuudon nogaid nobantung kon umat i Allah.

KORINTUS 2 9:1

Sabanarnea in diá bidon paraḷuku paison bui kon i monimu in soaḷ sumbangan monimu kon umat i Allah inta kon Yudea.

GALATIA 2:10

Tongá topasaḷ in pinoigum monia kon i nami, musti tarukiraan in intau mita bogá. Bo memang tuabí doman inta kinoibo-ibogku aidan.

GALATIA 6:10

Dá tuamai kon dodai in oyúonpa in kasampatan naton, yo koḻigai in kita sinbá mogaid kon inta mopia kon bayongan in intau, muna-munamai kon i utat mita naton inta mopirisaya kon i Tuhan Yesus.

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.