KORINTUS 2 8:24 - Alkitab Singog In Mongondow Masa In Tanaa

²⁴ Tuamai poigumon nami, poniatabí in tabi monimu kon i monia, sinbá bayongan in jamaat monotaaudon kon moiko in motabibí kon i monia, bo onu in dinui-duímai nami soaḷ moiko moniata kon totuubí.

KORINTUS 2 8:24 Mawu Ofanana

OUMAN IN RASUL MITA 9:31

Dá bayongan in jamaat kon Yudea, Galilea bo Samaria komintan nopia in gina. Takin totuḷung in Roho i Allah, bo takin doman toguondok kon i Tuhan, bayongan in jamaat koropot-koropotdon bo kodugang-kodugang domandon in kobayongnea.

KORINTUS 2 7:14

Totu-totuubí kon moiko in dinui-duíku bidon kon tayowon i Titus. Bo sukurdon sin moiko in diá tongá mokopooyámai kon i nakó. Bayongan inta ain inouman nami kon i monimu tua in totuubí. Natua doman onu inta dinui-duí nami soaḷ moiko kon tayowon i Titus in noitotuubí doman.

KORINTUS 2 7:4

Akuoi in mopirisaya bidon totok kon i monimu. Moiko nion inta totok mokoḷunganga kon ginaku! Umpakabí mobayong in yoyiga korasaanku, táe noundambí in ginaku, sin lantaran moiko nion. Totuu moḷunganga in ginaku!

KORINTUS 2 8:8

Naa in potaauku kon i monimu deemanbí saḷaku parenta. Táe moponorop kon nobayongdon totok intau moramuji motuḷung kon tumpaḷa intau, tuamai moibog doman in akuoi monotaau mongo nodapot domandon onda in tabi monimu kon tumpaḷa intau.