KORINTUS 2 8:23 - Alkitab Singog In Mongondow Masa In Tanaa

²³ Aka ki Titus, yo sia in yobayat topogaidanku inta notuḷung kon i monimu. Bo soaḷ ki utat naton taya dua tua, inta minayá noyotakinnea, mosia tua in intaubí inta piniḻí bo sinantú in jamaat sin kinosanang in gina monia.

KORINTUS 2 8:23 Mawu Ofanana

LUKAS 5:10

Natua doman in yobayatnea, ki Yakobus bo ki Yohanes inta ki Adí mita i Zebedeus. Dá ki Yesus in noguman kon i Simon, “Dika moondok, sin nongkon tanaa mako, iko in baḻíon-Kudon mololandará kon intau.”

LUKAS 5:7

Mosia in dongkadon nokituḷung kon yobayat monia inta kon uangga ibanea. Dá namangoi in yobayat mita monia tatua bo noduḷu nopobonu in toyá inta noaḷap monia tua kon bonu in uangga doyowa nodapot ain tumaḷom in uangga mita tatua.

YOHANES 13:16

Totuubí in tosingogon-Ku naa: Tobatú ata in diábí moiḻiu kon i tuangnea, bo totabá in diábí moiḻiu kon inta nopotabá kon inia.

KORINTUS 1 11:7

Aka ḷoḷaki yo diábí nongonu aka diá mogi koḷob in uḷu, sin bayongan kaadaan bo kawasa i Allah in ontongonbí kon inia. Táe kahoromatan in ḷoḷaki ontongonbí kon bobay,

KORINTUS 2 12:18

Totuu kon akuoi in nopotabá kon i Titus mayá kon i monimu, takin intau inta ki utat doman naton ibanea inta noyotakinnea. Táe umpaka yo nokoimontandon in ki Titus in motayak kon kauntungan kon i monimu? Mogaid tanaa, tujuan naminda in notongkaibí, natua doman in aid mita naminda!

KORINTUS 2 7:6

Tongá sukur mako, sin ki Allah in tantú nobogoi in gina moropot kon intau inta moompá in dodia; bo pinopoangoi-Nea in ki Kristus, sinbá mosanang totok in gina nami.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

KORINTUS 2 8:18

Bo kami in nopotabá doman in tobatú utat naton noyotakinnea, utat naton tanaa in totokbí i horomat in bayongan jamaat sin oaidannea nopoyaput in Habar Mopia nongkon i Allah.

KORINTUS 2 8:19

Bo deeman doman tongá tua! Intau tatua in piniḻí doman bo sinantú in jamaat sin moyobayat nami kon bonu in bobayáan mopoyaput in sumbangan, sinbá ki Tuhan in umuran dayowon bo bá ontongan doman monimu kon kami in umuranbí totu-totuu moibog motuḷung.

KORINTUS 2 8:22

Koḻikud in ki Titus bo ki utat naton tobatú tua, kami in nopotabá doman in tobatú utat naton ibanea mako. Sia tua in inujibí domandon nami, bo noniatadon kon umuranbí in sia moibog motuḷung. Sedang ibogonnea in bá tanaa bidon mako, sin totok moḷoben in harapannea kon i monimu.

KORINTUS 2 8:6

Tuamai kami in umuran moguman kon i Titus – inta ain nomangkoi kon oaidan tanaa – sinbá ingguputannea in oaidan mopia tanaa kon sigad monimu doman.

PILIPI 2:25

Soaḷ ki Epaproditus ki utat naton inta pinotabá mangoi monimu motuḷung kon inakó, rasaankumai sia in paraḷukudon potabá bui mamangoi kon i monimu. Sia ain notuḷung kon inakó nogaid kon oaidanku.

PILIPI 4:3

Bo poigumonku kon i monimu Sunsugos, yobayatku inta totok in mosatia, tuḷungai in mosia, sin mosia noramujidon totok in nogaid takinku nopotaau in Habar Mopia inta nongkon i Allah; mosia tua naonda bo tai Klemen bo bayongan in intau inta nogaid noyotakinku. Tangoi monia tua in pinaisdon kon bonu in Buk Intau Nobiag.

KOLOSE 1:7

Habar tatua in dinongogdon monimu nongkon i Epapras, yobayat topogaidan inta kinotabi nami. Sia tua in mogogaid kon oaidan i Kristus inta mosatia in mogaid kon kopontingan naton.

TESALONIKA 1 2:2

Bo kinotaauan bidon monimu kon wakutu in kami diápa namangoi kon i monimu kon Tesalonika, kami in muna bidon pinogutú bo siningkuḻe kon kotá in Pilipi. Táe umpaka nobayong in intau moḷawang kon i nami, táe umuranbí inogoian i Allah naton in kabaranian in kami mopotaau kon i monimu in Habar Mopia inta nongkon i Allah.

TIMOTIUS 2 4:10

sin ki Demas ain nonaḷámai kon inakó sin moḷobe-ḷobenbí in tabinea kon in dunia. Sia ain minayá in Tesalonika, ki Krekes minayá in Galatia, yo ki Titus in minayádon in Dalmatia.

TITUS 1:4

Titus, iko uḻe in totu-totuu bidon nobaḻí ki adíku, sin kitada in tumpaḷadon nopirisaya kon i Kristus. Manangka intua umuranku poigumon mako sinbá ki Allah, ki Amá naton bo ki Kristus Yesus Datu Mopoposaḷamat naton, umuran mobogoi in barakat bo kobiagan mopia kon inimu.

PILEMON 1:17

Tuamai, lantaran akuoi inanggapdon i Utat saḷaku tumpaḷa Keresten, dá tarimadon bui in ki Onesimus ná pinototarima i Utat kon inakó.

PILEMON 1:24

Bo tarimadon doman in salam nongkon yobayat mita topogaidanku, ki Markus, ki Aristarkhus, ki Demas bo ki Lukas.

YOHANES 3 1:8

Sin tuamai, kita intau mita in Keresten in musti motuḷung kon yobayat mita tumpaḷa Keresten inta ná tatua, sinbá kita moitakindon moramuji mopohabar in totundú inta noitutui nongkon i Allah.