KORINTUS 2 7:6 - Alkitab Singog In Mongondow Masa In Tanaa

⁶ Tongá sukur mako, sin ki Allah in tantú nobogoi in gina moropot kon intau inta moompá in dodia; bo pinopoangoi-Nea in ki Kristus, sinbá mosanang totok in gina nami.

KORINTUS 2 7:6 Mawu Ofanana

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 57:18

Akuoi in nokoontongdon kon dodia monia, táe mosia in bui-Kubí tompiaan. Kapiton bo tuḷungan-Kubí in mosia bo moḻipoi kon intau inta moajar in gina.

YEREMIA 31:13

Kon dodai intua mongodeaga mita in motayok takin kinoibog in gina. Guyanga bo tayow mobiag tumpaḷa moḷunganga in gina, sin Akuoi in moḻipoibí kon i monia. Kuyang in gina monia baḷuian-Ku in pia in gina, robonoḷ in gina baḷuaian-Ku in ḷunganga in gina.

MATIUS 5:4

Pia in kamang in intau inta nokuyang in gina, sin mosia tua iropotanbí in ginanea!

YOHANES 14:16

Poigumon-Kubí kon i Amá, bo ogoian-Neabí moiko in mototuḷung ibanea, inta umuran mogutun moyotakin monimu.

SURAT I PAULUS KON JAMAAT RUM 15:5

Poigumon mako ki Allah inta nobogoi in kasabaran bo ropot kon intau, umuran doman motuḷung kon i monimu, sinbá moiko in mobiag motobatú kon gina bo dumudui kon onu inta ain inaidan i Yesus Kristus.

KORINTUS 2 7:13

Tuabí manangka in noonow in gina nami. Koḻikud in moonow, nodugang doman totok ḷunganga in gina nami sin nokoontong kon ḷunganga in gina inta kinorasaan doman i Titus; nopia in ginanea lantaran moiko.

KORINTUS 2 7:14

Totu-totuubí kon moiko in dinui-duíku bidon kon tayowon i Titus. Bo sukurdon sin moiko in diá tongá mokopooyámai kon i nakó. Bayongan inta ain inouman nami kon i monimu tua in totuubí. Natua doman onu inta dinui-duí nami soaḷ moiko kon tayowon i Titus in noitotuubí doman.

KORINTUS 2 7:7

Gina nami in nosanang, deeman tongá lantaran kinoangoian i Titus, táe lantaranbí doman nongonguman in sia kon kopopia in ginanea wakutu in sia kon yua-yuakpa monimu. Pinogumannea kon inami kon totok in mokotanob bo moibogdon totok in moiko moyodungkuḷku; bo oyúondon in panasaḷan monimu kon bayongan in aid mita monimu inta koḻipod dapot in moibogdon mobela kon i nakó in moiko. Tua komintan in nokodugang kon ḷunganga in ginaku.

PILIPI 2:1

Moiko in noropot, sin ain notobatú i Kristus. Diádon moajar in gina monimu sin ki Kristus in motabi kon i monimu! Bo Roho i Allah umuran kotaki-takin monimu, sahingga moiko tantúdon mototabian bo motabi doman kon tumpaḷa intau.

TESALONIKA 1 3:2

pogoḷa-goḷatan in potabákupa mangoi kon i monimu in ki utat naton ki Timotius. Sia naa in mogogaid kon oaidan i Allah inta topogaidan nami nopoyaput in Habar Mopia soaḷ ki Kristus. Pinotabá nami in sia mamangoi kon i monimu sinbá motuḷung moginrigon kon gina monimu bo poḷat mononggina bá umuran in moiko mopirisaya kon i Kristus.