KORINTUS 2 7:13 - Alkitab Singog In Mongondow Masa In Tanaa

¹³ Tuabí manangka in noonow in gina nami. Koḻikud in moonow, nodugang doman totok ḷunganga in gina nami sin nokoontong kon ḷunganga in gina inta kinorasaan doman i Titus; nopia in ginanea lantaran moiko.

KORINTUS 2 7:13 Mawu Ofanana

SURAT I PAULUS KON JAMAAT RUM 12:15

Koḷungangadon in gina monimu takin intau mita inta nongoḷunganga doman in gina, bo pongombaḷdon takin intau mita inta mongombaḷ.

SURAT I PAULUS KON JAMAAT RUM 15:32

Sinbá aka ogoianpa i Allah in kasampatan, dá mamangoipa in akuoi kon i monimu takin gina mosanang, bo moonowdon totok in ginaku kon yua-yuak monimu.

KORINTUS 1 12:26

Manangka intua aka anggota tobatú bo mokorasa kon roriga, yo anggota ibanea in mokorasa doman kon roriga tatua; bo aka tobatú anggota bo duíon, yo gina in anggota ibanea in tumpaḷabí moḷunganga.

KORINTUS 1 16:13

Umuran mokopoingat! Sindog kotorindog kon bonu in pirisayamu saḷaku intau Keresten. Mokopobarani bo mokoporopot!

KORINTUS 1 16:18

Mosia tua in noposanangdon in ginaku, bo noposanang doman in gina monimu. Intau mita natua in musti hargaan.

KORINTUS 2 2:13

Táe mogagawang totok in ginaku sin diápa noyodungkuḷ i utat naton ki Titus in akuoi. Tuamai akuoi nogumandon kon intau mita kon tua bo akuoi nopobayádon in Makedonia.

KORINTUS 2 2:3

Manangka intua akuoi in nomais kon surat tanaa kon i monimu. Sinbá aka akuoi mamangoi, yo diá yoyigaan monimu in ginaku, sin tongábí moiko in haraponku mako motaau mopoḷunganga in ginaku. Sin moyakinbí in akuoi kon aka ginaku bo mosanang, yo moiko in mosanangbí doman komintan.

KORINTUS 2 7:14

Totu-totuubí kon moiko in dinui-duíku bidon kon tayowon i Titus. Bo sukurdon sin moiko in diá tongá mokopooyámai kon i nakó. Bayongan inta ain inouman nami kon i monimu tua in totuubí. Natua doman onu inta dinui-duí nami soaḷ moiko kon tayowon i Titus in noitotuubí doman.

KORINTUS 2 7:15

Sahingga in tanaa nodugangdon totok in tabinea kon i monimu, sin tantú kotoropannea naonda in kototoindudui monimu kon inia bo sinarima monimu in sia takin horomat.

KORINTUS 2 7:6

Tongá sukur mako, sin ki Allah in tantú nobogoi in gina moropot kon intau inta moompá in dodia; bo pinopoangoi-Nea in ki Kristus, sinbá mosanang totok in gina nami.

PILIPI 2:28

Manangka intua moḷobendon totok in ibogku bá ḷagikudon potabá mangoi bui kon i monimu in sia, sinbá mosanangdon in gina monimu aka ontongondon monimu in sia, bo moonow domandon in ginaku.

TIMOTIUS 2 1:16

Táe tombonu in baḷoi i Onesiporus in umuran namangoi moposanang in ginaku, dá poigumonku mako ki Tuhan in tantú mobogoi in barakat kon i monia, sin umpakabí kon bonu in ponjara akuoi táe ki Onesiporus bo tombonu in baḷoinea tua in diábí mooyá in namangoi mokipodungkuḷ kon inakó.

PILEMON 1:20

Manangka intua, podoyon kon tangoi i Tuhan tuḷungaipa in akuoi, posanangpa in ginaku saḷaku Utat inta tumpaḷa notobatú i Kristus.

PILEMON 1:7

Uḻe Pilemon utatku, tabimu kon bayongan in umat i Allah, nokosanangdon totok kon ginaku bo nokodugang domandon kon ropot in pirisayaku! Bayongan in gina in umat i Allah in pinosanangmudon.

PETRUS 1 3:8

Naa in kasimpulannea: utat mita poramuji mobiag motobatú kon tosingogon bo porasaan. Moiko in musti umuran mositabian ná doyowa mogutat. Moiko in musti doman mosituḷungan bo mokopoompá kon dodia.