KORINTUS 2 7:11 - Alkitab Singog In Mongondow Masa In Tanaa

¹¹ Tungkuḷaika tarukira monimu onu in bungai in ajar in gina inta pinodudui kon ibog i Allah kon i monimu! Naa in bungainea; moiko in totu-totuubí moramuji moginsilang kon onu inta diápa notarang! Bo moyaatbí in gina monimu kon onu inta diá mopia, oyúon in porasaan moondok, mokotanobbí, tantú moropot in gina, bo oyúon in ibog mohukum kon inta kotaḷá! Kon bayongan soaḷ mita tanaa in moponiata bidon kon moiko in diá bidon kotaḷá.

KORINTUS 2 7:11 Mawu Ofanana

NEHEMIA 13:25

Sinoboḷowku bo inodi-odianku in mosia. Oyúon in binongkugku bo oyúon in irabutku in buok monia. Onda intua pinoki pongibotanku in mosia pinodoyon kon tangoi i Allah kon mosia takin ki adí mita monia in diá bidon motonibuḷoi takin bobay ibanea.

AYUB 42:6

Tuamai in mooyá in akuoi monorop kon bayongan in tosingogonku bo takin momanasaḷ akuoi in ḻimitú kon butá bo ḷobud.”

MAZMUR 119:139

Torúku in modokot kon bonu in ginaku popisí in musungku nokoḻiong kon totundú-Mu.

MAZMUR 130:6

Akuoi in mokotanob kon i Tuhan, noiḻiu kon tanob in moḷoḷukad doḷom kon mobayagdon.

MAZMUR 145:19

Sia in mopoḷungangabí in gina in intau inta motoguondok; Indongogan-Neabí in kuani monia bo moposaḷamat kon i monia.

MAZMUR 2:11

Pogundoidon kon i Tuhan takin mopirisaya,

MAZMUR 35:13

Kon dodai in mosia notakit, morobonoḷ in ginaku bo diá nongaan; akuoi in nosambayang bo kinumuyung,

MAZMUR 38:9

Akuoi in nobutukdon bo kinodaitan in ropot, nogongot in akuoi popisí mokayow in ginaku.

MAZMUR 42:1

Kon i itoi in mododondong. Dondong totundú in inanakan i Korah.

MAZMUR 69:9

Akuoi in nádon onda bo intau ango-angoi kon sigad in ginaḷumku, naonda bo intau ibanea kon i guya-guyang bo kon i ai-aiku.

AMSAL 14:16

Intau mopia in umuranbí mokopoingat bo yumayú kon inta moraat, intau bodok in tumorú totok, bo mokorasa kon moaman.

AMSAL 28:14

Horomatbí tantú in ki Tuhan, dá mosanang in iko. Aka iko moḷawang kon i-Nia, moboditobí in iko.

DONDONG MOḶANTUD 8:6

Baḻídon in akuoi batoḷ in dodobmu, dikabí mokoyot kon i ineka koḻikudbí in akuoi; sin tabi tua in ná koropot in popatoi, bo ibog in awak mongawasa naonda bo popatoi. Dokotnea naonda bo dokot in tuḷú inta modokot moborambang totok.

YESAYA 26:8

Kami in dumudui kon onu inta sinantú-Mu, o Tuhan, bo tantú mogoḷat mako kon ini-Mu; Ikobí in dayowon bo inta tano-tano bo in gina nami.

YESAYA 66:2

Dunia naa in ḻima-Ku tontaní in nomia, dá tua komintan in pinomia. Táe koibog-Ku in intau inta moompá in dodia, inta nomanasaḷ in nogaid kon dosanea mita, inta moondok bo inta motoindudui kon i-Nakó.

DANIEL 6:14

Bo mosia in noguman kon i datu, “Ki Daniel, intau tobatú inta iḷumbú nongkon Yohuda, diábí nopandungmai kon i Tuangku bo nopoompábímai kon parenta i Tuangku. Sia in nosambayang notompod kotoḷu in tosinggai.”

MARKUS 3:5

Korogi-rogi in ki Yesus nobobui magí-mako kon intau mita inta kon tua, táe moajar doman totok in gina-Nea sin totuu motogat in gina monia tua. Onda intua Sia in noguman kon intau inta noḻempeng in ḻima tatua, “Sintakdon in ḻimamu.” Dá sinintak doman in intau tatua in ḻimanea, bo baḷú domandon nopia in ḻimanea tatua.

YOHANES 2:17

Dá kinotoropandon in murí-Nea mita kon oyúon in pinais kon bonu in Buk Motusi nanaa: “Tabi-Ku kon Baḷoi-Mu, o Allah, tumaga-tagab in kon gina-Ku.”

OUMAN IN RASUL MITA 17:16

Wakutu in ki Paulus nogoḷatpa mako kon i Silas bo kon i Timotius kon Atena, noajar totok in ginanea sin kotá tatua nopuḻing in berhala mita.

SURAT I PAULUS KON JAMAAT RUM 11:20

Totuubí intua. Táe mosia in iḷumbú sin diá mopirisaya, bo Moiko in sinarima sin mopirisaya. Dá tuamai in dikabí dumodia in Moiko sin sinarimadon; Moiko in mustibí motoguondok.

SURAT I PAULUS KON JAMAAT RUM 14:18

Intau inta nobantung natua kon i Kristus, sia tua inta mokosanang kon gina i Allah, bo sia in horomaton doman in intau ibanea.

SURAT I PAULUS KON JAMAAT RUM 3:5

Táe aka koadilan i Allah moniatadon totok, popisí in kita nogaid kon inta diá totuu, yo onu in singogon naton? Degá diá moadil aka ki Allah mohukum kon i naton? (Ḷoḻibó tanaa in mopiabí saḷaku intau.)

KORINTUS 1 12:25

Awak naa in diábí nosila-silai; bo tumpaḷa mositarukiraan.

KORINTUS 1 5:2

Umpaka nogaidon kon natua, táe umuranpabí doman in moiko dumodia. Sabanarnea in bá moajarbí in gina monimu, bo poḷatdon poḷuai in intau natua nongkon sigad monimu.

KORINTUS 2 13:7

Kami in umuran mopoigum mako doa sinbá moiko in diá mogaid kon inta moraat. Deemanbí mopoontong kon kami in monahangdon totok kon totungkuḷ, táe ibogon nami in bá moiko in umuran motaau in mogaid kon inta mopia – umpaka ontongon monimu in kami diá mokotahang kon totungkuḷ!

KORINTUS 2 2:6

Intau natua motaaubí in tongápa intau inta kon sigad monimu in mohukum.

KORINTUS 2 6:4

Táe naabí in popoontong nami kon bayongan in intau, onukabí in aidan nami, yo pinoniatabí nami kon kami in totu-totuubí mogogaid mita kon oaidan i Allah. Sin bayongan in yoyiga ain bidon nodait nami sinarima takin gina moonow:

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

KORINTUS 2 7:7

Gina nami in nosanang, deeman tongá lantaran kinoangoian i Titus, táe lantaranbí doman nongonguman in sia kon kopopia in ginanea wakutu in sia kon yua-yuakpa monimu. Pinogumannea kon inami kon totok in mokotanob bo moibogdon totok in moiko moyodungkuḷku; bo oyúondon in panasaḷan monimu kon bayongan in aid mita monimu inta koḻipod dapot in moibogdon mobela kon i nakó in moiko. Tua komintan in nokodugang kon ḷunganga in ginaku.

KORINTUS 2 7:9

Táe tanaa mako in mosanangdon in ginaku – tongá deemanbí nosanang in gina lantaran noajar in gina monimu. Táe lantaranbí naonda in nokorasa kon ajar in gina tatua, dodia monimu in nobaḷui. Tua komintan in totundú mita i Allah, sahingga in diábí norugi topiḻikmai in moiko.

KORINTUS 2 9:2

Sin kotaauanku bidon kon moiko in moibogbí motuḷung, bo moiko in umurankubí dinui-duí kon yua-yuak in intau in Makedonia. Pinogumankudon kon i monia kon nongkon taongpabí inta nopaḷut naa in tai utat mita kon Akhaya ain nobasadia mobogoi in sumbangan. Bo lantaran totok domandon in gina monimu, dá intau ibanea in totok domandon noibog.

EPESUS 4:26

Aka moiko bo tumorú, yo mokopopia sinbá diá baradosaan popisí in torúmu tatua. Dika tumorú tumongo singgai tua,

EPESUS 5:11

Dika mogaid kon soaḷ mita inta diá baraguna ná inta inaidan in intau mita inta nobiag kon bonu in sindip. Táe inggamáaibí in aid mita inta diá mopia natua. (

PILIPI 2:12

Utat mita inta kotabiku, moiko umuranbí kodu-kodudui kon inakó wakutu in akuoi koyota-yotakinpa monimu, tuamai poigumonku kon i monimu, umpaka in kita nogiyayúandon táe umuranbí ramuji aidai onu inta kinoibog i Allah. Sin moiko aindon pinosaḷamat i Allah, tuamai umuran ramuji sinbá iko in mobiag mosompurna. Mokopoendar in mogaid kon tua komintan podudui kon inta kinoibog i Allah.

TESALONIKA 1 4:6

Tuamai in musti mokopoingat, sinbá diá tobatúmai intau mogaid kon inta diá mopia kon i utatnea, andeka monguboḷ kon i utat sin tuḻíanbí i Tuhan in bayongan tua, ná inta ain pinotaau bo pinonorop nami kon i monimu koḻipod.

TIMOTIUS 1 5:20

Intau inta nogaid kon inta diá mopia mustibí togur kon tayowon jamaat mita, sinbá dongogondon in intau ibanea bo moondokdon in mosia in mogaid kon inta diá mopia tatua.

TIMOTIUS 2 2:15

Totok poramuji sinbá akuondon i Allah in iko saḷaku intau inta motaau pirisayaan-Nea mogaid kon oaidan-Nea. Poramujibí konbá diá mooyá in iko in mogaid kon oaidan tatua, táe tongádon kabaranian motundú bo mopotaau kon onu inta mobanar nongkon i Allah.

TITUS 3:8

Totuubí in singog tanaa. Ibogonku in naa komintan potaaumu kon i monia, sinbá mosia inta ain nopirisaya kon i Allah totu-totuudon moramuji mogaid kon inta mopia, sin natuabí in mopia bo inta baraguna kon bayongan intau.

IBRANI 4:1

Dandi i Allah tatua in umuranpabí pakéon, bo kita in ogoianbí in pogogaian inta pinodandi-Nea tatua. Manangka intua kita in musti umuran kiḷuka-ḷukadmai sinbá diá in tobatúmai kon sigad monimu in diá mokouḻí kon pogogaian inta pinodandi-Nea tatua.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.

PETRUS 1 2:2

Moiko in musti mobaḻídon naonda bo adí mointok inta bagu pinononggadí inta umuran moyogang in susu inta nongkon soroga. Aka natua yo mobiagbí bo posaḷamatonbí in moiko.

YUDAS 1:23

Kapit bo poḷuai in mosia nongkon bonu in tuḷu sinbá mosaḷamat. Bo poontong doman in tabi kon intau mita ibanea, táe musti motoguondok. Kodoíbí modapot pakeang monia inta ain kinotoran in ibog monia inta binaradosa.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.