KORINTUS 2 7:1 - Alkitab Singog In Mongondow Masa In Tanaa

¹ Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

KORINTUS 2 7:1 Mawu Ofanana

TAWARIKH 2 19:9

Ki Yosapat in nobogoi kon hakim mita tatua in parenta tanaa, “Pobayá in oaidanmu takin pirisaya kon i Tuhan. Duduiai in parenta-Nea kon bayongan onu in aidan monimu.

MAZMUR 119:9

Intau moguodpa in mokoḷukadbí kon kobiagannea diá in bogit aka mobiag in sia podudui in parenta-Mu.

MAZMUR 19:9

Atorang i Tuhan tua in noitombutung, mokosanang kon gina. Hukum i Tuhan tua in modarit, mokopomangaḻe kon intau.

MAZMUR 51:10

Biódon mako in akuoi mokodongog kon habar mokopia kon gina, sinbá gina inta binutuk-Mu naa in buidon monggiow.

AMSAL 16:6

Intau inta tumoḷutui kon i Allah in ampunganbí; intau inta mopirisaya in moisimparutbí kon bayongan inta moraat.

AMSAL 20:9

Oyúon degá in intau inta motaau mosingog, “Ginaku in modarit, akuoi in noiḷuatdon kon dosa?”

AMSAL 30:12

Oyúon in intau in tumangoi motusi in sia bokaka totokbí in moromú in sia.

AMSAL 8:13

Mohoromat kon i Tuhan tua in mangaḻenea in mondoí kon inta moraat; akuoi in doíbí kon aid moḷoḷatú bo mododia. Kodoíkubí in dodia inta moraat bo tosingogon mita inta monguboḷ.

MOHOHUTUBA 11:10

Untundon in ḻia-ḻiaw bo roriga in ginamu, sin wakutumu mobagupa in motoyongbí moitaḻib.

YESAYA 1:16

Daritaidon in awakmu kodariton totok. Gogaiai in bayongan inta moraat inta inaidan monimu tua. Dikadon bui mogaid kon inta moraat,

YESAYA 55:7

Igumon mako intau inta moraat in monompiadon kon kobobiagnea, bo momaḷui kon pororainea. Biódon mako in sia in mobui mangoi kon i Tuhan, sinbá mokouḻí kon totabi-Nea. Igumon mako sinbá sia in mamangoi bui kon i Allah naton, sin ki Tuhan in mongampung takin pia in gina.

YEREMIA 13:27

Akuoi in nokoontongdon kon i monimu in nogaid kon inta kinodoí-Ku. Inontong-Kudon in ilah mita ibanea kon tombuḷudnea bo kon gobá, naonda bo ḷoḷaki tobatú mongibog totok kon i buḷoi bobay in intau ibanea andeka naonda bo kabaḷo koḷakian inta mongibog kon kabaḷo kobaayan. Ei intau in Yerusalem, moboditodon in moiko! Toonu degá in moiko in moiḷuat kon bayongan in inta moraat?”

YEREMIA 4:14

Yerusalem, ḷumbúdon in inta moraat nongkon ginamu sinbá posaḷamaton in iko. Modapot in toonu in raian mita moraat tatua in tagúonmu kon bonu in ginamu?

IMAMAT 13:58

Aka naonda in binatáan mako bo batangan in pinonopadan kon barang tatua noinggamá, dá barang tatua musti batáan bui, bain tua bo anggapon nodarit.

MATIUS 12:33

“Aka pangkoinea bo kai in monimu mopia, yo bungainea in mopiabí doman. Tongá aka pangkoinea, kai monimu bo diá mopia, dá diá doman mopia in bungainea. Sin bungaineabí tua in ponandaan kon pangkoinea.

MATIUS 5:48

Manangka intua moiko in musti mogaid kon inta totok in mopia ná ki Amámu inta kon soroga ain nogaid kon inta totok in mopia.”

MATIUS 5:8

Pia in kamang in intau inta motuḻid in ginanea; sin mosia tua inta mokoontong kon i Allah.

OUMAN IN RASUL MITA 9:31

Dá bayongan in jamaat kon Yudea, Galilea bo Samaria komintan nopia in gina. Takin totuḷung in Roho i Allah, bo takin doman toguondok kon i Tuhan, bayongan in jamaat koropot-koropotdon bo kodugang-kodugang domandon in kobayongnea.

SURAT I PAULUS KON JAMAAT RUM 5:20

Naonda in oyúon in hukum i Musa, dá kodugang-kodugang domandon in taḷá. Táe naonda in koḷoben-koḷoben in dosa, yo tabi i Allah in kodugang-kodugang domandon in ḷobennea kon i monia.

KORINTUS 1 6:20

Sin moiko nion in sinaḷui bidon i Allah, bo nodait-Nea bidon inuboḻian. Tuamai umurandon paké kopiraan sahingga in ki Allah in pomuliaan.

KORINTUS 2 1:20

Sin ki Allah nopototuu in dandi-Nea pinongin i Yesus. Tuabí in nobaḻí dodoyonan sahingga intau moguman “Amin” kon i Allah sin ki Yesus Kristus. Tua in inaidan nami sinbá dayowon in ki Allah.

EPESUS 2:3

Koḻipod, kita komintan in ná doman mosia tua; kita nobiag dinumudui doman kon tabiat in awak naton bo nogaid kon onu inta mokosanang kon awak bo raian naton. Wakutu intua kita naa in intaubí doman inta kinotugatan in torú i Allah, ná doman mosia tua.

TESALONIKA 1 3:13

Aka natua yo irigonan i Tuhan in gina monimu, sahingga in modaritdon totok in kobobiag monimu bo diá bidon in inta diá mopia in aidan monimu kon tayowon i Allah, ki Amá naton, kon wakutu in ki Tuhan naton ki Yesus mamangoi bui moyotakin in bayongan intau inta ain nobaḻí umat-Nea.

TESALONIKA 1 4:7

Inoiní i Allah in kita, deemanbí mogaid kon inta moraat, táe mogaidbí kon onu inta mokosanang kon gina-Nea.

TESALONIKA 1 5:23

Poigumon mako sinbá umuran i Allah ogoian in kobiagan motompia bo baḻíon-Nea in moiko umat inta tongá mopirisaya bo mobiag takin i Allah. Poigumon doman mako bá ḷukadandon i Allah in roho, gina bo awak monimu, sahingga in diábí in mogaat kon wakutu in koangoiandon bui i Yesus Kristus ki Tuhan naton.

IBRANI 12:23

Moiko in sinumakin kon tobatú pinoyodungkuḷan inta morame totok – pinoyodungkuḷan in adí mita guya-guyang i Allah, inta pinaisdon in tangoi monia kon bonu in soroga. Moiko in namangoi sinumayow kon i Allah hakim in bayongan intau naa. Moiko in sinumayow kon roho mita intau mopia inta ain sinompurna.

IBRANI 12:28

Tuamai, kita in musti umuran mopoyaput in sukur kon i Allah, sin kita in motarima kon tobatú dodatuan inta diá modandú nongkon i-Nia. Kita in musti mopoyaput in sukur bo moibada kon i Allah takin mohoromat bo moondok, podudui in onu inta kinoibog-Nea tontaní.

IBRANI 4:1

Dandi i Allah tatua in umuranpabí pakéon, bo kita in ogoianbí in pogogaian inta pinodandi-Nea tatua. Manangka intua kita in musti umuran kiḷuka-ḷukadmai sinbá diá in tobatúmai kon sigad monimu in diá mokouḻí kon pogogaian inta pinodandi-Nea tatua.

IBRANI 6:9

Táe, utat mita inta kinotabiku, umpaka natua in singog nami, táe kinotaauan bidon nami in moiko. Noyakinbí in kami kon moiko in notarima bidon kon soaḷ inta mopia, tuata in barakat mita inta mokosaḷamat kon i monimu.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!

PETRUS 1 1:15

Táe aidaibí in naa, kotusidon in moiko kon bayongan in yagi-yagi inta inaidan monimu, ná ki Allah inta ain nogoiní kon i monimu tua in motusibí totok.

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.

PETRUS 1 1:22

Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.

PETRUS 1 2:11

Utat mita inta kinotabiku! Moiko nion in intaubí mokokiangoi bo momomaḷancong kon dunia naa. Akuoi in mononggina kon inimu, donaai tongá umuran dumudui kon ibog in awak naa inta umuran mobobayowan moḷawang kon jiwa.

PETRUS 1 5:10

Táe naonda in moiko nokorasa kon roriga motoyong, yo ki Allah tontaní in moposompurna kon i monimu. Potorindogon-Nea bo iropotan in moiko. Sin Sia in Allahbí inta totok mopia in gina, inta ain nogoiní kon i monimu sinbá moitakin doman mokorasa kon kopia-Nea inta mononoi pongin i Kristus.

YOHANES 1 1:7

Táe aka kita in mobiag kon bonu in bayag ná ki Allah inta kon bonu doman in bayag, dá kita in mustibí mobiag modagin, motompia bo mositabian tobatú bo tobatú. Bo dugú i Yesus, ki Adí-Nea tua, mondarit kon i naton nongkon bayongan dosa.

YOHANES 1 1:9

Táe aka akuondon naton in taḷá mita naton kon i Allah, dá aidan-Neabí in onu inta ain pinodandi-Nea bo pobayá-Nea doman onu inta moadil. Ampungan-Neabí in bayongan dosa naton poḷat daritan-Nea doman in kita nongkon bayongan in oaid inta moraat.

YOHANES 1 3:3

Komintan intau inta oyúon in harapan nanaa kon i Kristus, musti totuu mokopodarit kon kobobiag, modarit nongkon dosa mita naonda bo ki Kristus nodarit doman.