KORINTUS 2 6:6 - Alkitab Singog In Mongondow Masa In Tanaa

⁶ Takin gina motuḻid, mobijaksana, mosabar bo mopia in gina, pinoniatadon nami kon kami in mogogundoibí i Allah. Bo takin kinumadai kon totuḷung in Roho i Allah, bo takin tabi inta noiḷuai nongkon gina inta motuḻid,

KORINTUS 2 6:6 Mawu Ofanana

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

SURAT I PAULUS KON JAMAAT RUM 12:9

Kotabibí takin gina motuḻid. Poyayú inta moraat bo kadai kon onu inta mopia.

SURAT I PAULUS KON JAMAAT RUM 15:19

inta mokoherang totok kon intau bo diá in poporupaan. Tua mita in nobaḻí sin kawasa in Roho i Allah. Habar Mopia soaḷ ki Kristus aindon pinohabarku komintan kon intau mita, pinangkoipamai kon Yerusalem nodapot in Ilirikum.

KORINTUS 1 12:8

Oyúon intau in nokouḻí kon totabi mosingog kon inta mopia, oyúon doman in nokouḻí kon totabi motundú kon soaḷ ki Allah.

KORINTUS 1 13:4

Intau inta motabi kon tumpaḷa intau, monahangbí kon yagi-yagi bo mopia in gina. Diá in porasaan mointoi, diá kumaḷakuang bo diá doman mododia.

KORINTUS 1 2:16

Sin kon bonu in Buk Motusi pinaisdon nanaa, “Ki inebí in mokotaau kon raian i Tuhan? Bo ki inebí in motaau mononggina kon i-Nia?” Táe pikiran i Kristus in oyúonbí kon inami!

KORINTUS 1 2:4

Bo habar inta pinoyaputku kon i monimu tua in deemanbí tongá pinotaauku takin tosingogon inta mokosanang kon gina pinodudui in kabijaksanaan in intau, táe noidoyonbí kon koyakinan kon Rohobí i Allah in nongawasa.

KORINTUS 2 1:23

Ki Allahbí tontaní in nobaḻí sakusiku – bo inta nonotaau kon ginaku – kon akuoi in diá nobaḻí namangoi in Korintus sin akuoi in doíbí mopoyoyigamai kon gina monimu.

KORINTUS 2 11:11

Eta nongonubí sin mosingogbí in akuoi kon natua? Degá diá motabi in akuoi kon i monimu? Kinotaauanbí i Allah in tabiku kon i monimu!

KORINTUS 2 11:4

Sin tarukiraankumai moiko in tongábí kibio-biómai aka oyúon in intau mamangoi bo mopotaau in habar soaḷ ki Yesus, táe ki Yesusbí tolaeng, deemanbí ki Yesus inta ain pinotaau muna nami kon i monimu. Bo tarimaan doman monimu in roho bo “habar mopia” inta totu-totuubí kon diá notongkai in Roho i Allah bo Habar Mopia inta ain muna sinarima monimu nongkon i nami.

KORINTUS 2 11:6

Degá diá basí motaau mosingog in akuoi, táe aka tongá pororai, yo akuoi in motaaubí doman. Bo tua in ain bidon nodait inontong monimu.

KORINTUS 2 12:15

Tuamai mopiabí in ginaku bo morelabí in moposarakan in bayongan yagi-yagi, sin kopontingan monimu, nodapotkabí in awakku naa. Dá aka akuoi bo totok in motabi kon i monimu, umpaka yo diápa doman kotabi monimu in akuoi?

KORINTUS 2 13:10

Tuabí doman in makusudku nomais kon surat tanaa kon wakutu in noyogiyayúanpa in kita. Sinbá aka akuoi bo mamangoidon kon yua-yuak monimu, yo diádon in akuoi mokoporogi in tumayow kon i monimu, podudui in kawasa inta inogoi i Tuhan kon inakó sin ponompia kon i monimu, deemanbí pomoguyaat.

KORINTUS 2 2:10

Aka moiko bo mongampung kon intau inta ain nogaid kon taḷá kon i monimu, yo ampungankubí doman in intau tatua. Sin onu inta ain inampunganku – aka totu-totuubí oyúon in paraḷu ampungan – yo ampungankubí kon tayowon i Kristus sin tua in kopiaanbí monimu.

KORINTUS 2 2:4

Moajar totok in ginaku in nomais kon surat tanaa kon i monimu, nodapot in koomba-ombaḷ akuoi in nomais. Deemanbí makusudku kon bá moajar doman in gina monimu, táe bá kotaauan doman monimu kon motabibí totok in akuoi kon i monimu komintan.

KORINTUS 2 3:3

Mosia tontaní in nokoontongbí kon moiko in suratbí inta ain pinais i Kristus, inta pinoki dia kon i nami. Surat tatua in deemanbí pinais in tinta, táe Rohobí i Allah inta nobiag; bo deemanbí doman pinais kon buk, táe kon bonubí in gina in intau.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

KORINTUS 2 7:2

Tarimadon in kami kon bonu in gina monimu. Sin kami in diábí kotaḷá kon tobatúmai in intau, bo diápabí doman dodai onda in noporugimai kon tobatúmai intau. Natua doman, diápabí doman dodai onda in kami notayak kon kauntungan kon intau tobatúmai.

GALATIA 3:2

Oyúonpa in ḻibóonku kon i monimu: Degá moiko nion in notarima kon Roho i Allah sin dinumudui kon hukum i Musa, andeka nokodongogdon in moiko kon Habar Mopia nongkon i Allah bodongka nopirisayadon kon i Kristus?

GALATIA 3:5

Ki Allah ain nobogoi in Roho-Nea kon i monimu bo ain nogaid kon soaḷ mita inta mokoherang kon sigad monimu. Yo degá inaidan i Allah intua sin moiko in dinumudui kon hukum i Musa? Andeka moiko in nokidongog kon Habar Mopia tatua bo nopirisaya kon i Kristus?

GALATIA 5:22

Tongá intau mita inta kinawasa in Roho i Allah, yo nanaabí in aidan monimu: Oyúon totabian, umuran mosanang in gina bo moonow in gina, oyúon kasabaran, mopia in gina, umuran mopia kon tumpaḷa intau, motoindudui,

EPESUS 3:4

bo aka kobacaandon monimu intua, yo komangaḻeandon monimu onu inta noibunipa soaḷ ki Kristus, ná kinomomangaḻeku kon tua.)

EPESUS 4:2

Umuranbí pokopoompá kon dodia, mokopoaḷus kon pososingog bo umuran domandon mokoposabar. Popoontongbí in tabimu kon oaid inta moibog mosituḷungan.

EPESUS 4:32

Táe mokopopia kon gina kon tumpaḷa intau, bo moiko in musti domandon mototabian, bo mosiampungan naonda bo ki Allah inta ain nongampung kon i monimu pinongin i Kristus.

KOLOSE 1:27

Kon umat-Nea tatua ki Allah in moibog moponiata kon totokbí in mopia bo moḷoben in onu in binuni kon intau mita ibanea. Naa inta binuni tatua: Ki Kristus tua in nionbí kon i monimu, bo tua in mangaḻenea, kon moiko in moitakin doman mokorasa kon kamuliaan i Allah.

KOLOSE 2:3

Ki Kristusbí tua in mobuká kon bayongan pandoi bo pongotahuan i Allah inta koḻipod noibunipa.

KOLOSE 3:12

Utat mita, moiko nion in umatbí i Allah inta ain sinotabi bo piniḻí-Nea mobaḻí kapunyaan-Nea tontaní. Tuamai in musti popoontong doman monimu in totabian, pia in gina, diá motosiḷantud, pososingog moaḷus bo mobahasa kon tumpaḷa intau bo mosabar aka koantugan in roriga.

TESALONIKA 1 2:10

Motusi in kobobiag nami, mobanar bo diá in yagi-yagi inta diá mopia in inaidan nami kon i monimu inta ain nopirisaya kon i Kristus. Inontong bidon monimu tontaní in kami bodongka bidon ki Allah in nonotaau kon tua komintan.

TIMOTIUS 1 4:12

Mokopoingat sinbá diá in tobatúmai intau in mopandang enteng kon inimu popisí in iko noguodpa. Táe poramujidon sinbá iko in umuran mobaḻí contoh bo doduduianmai kon soaḷ inta mopia i intau mita inta mopirisaya, pinangkoi kon pososingog, oaid bo kon soaḷ kototabimu kon tumpaḷa intau bo kopopirisayamu kon i Kristus Yesus takin kobobiagmu inta motompia.

TIMOTIUS 1 5:2

Aka guyanga mita bobay dá pomia doman in mosia ná ki inámu tontaní. Natua doman in mongodeaga mita, pomia doman ná ki ai-aimu tontaní bo kotuḻidbí in gina.

TIMOTIUS 2 3:10

Iko aindon dinumudui kon onu inta sinundúku, kon onu inta ain pinomiaku, bo kon tujuan kinobiaganku. Bo ain inontongmu tontaní naonda in kopopirisayaku kon i Yesus Kristus bo tabiku kon tumpaḷa intau. Kinotaauanmu bidon in kososabarku bo kototahang in ginaku.

TIMOTIUS 2 4:2

Sinbá iko in umuran moibog in mopotaau in Habar Mopia inta nongkon i Allah, bo poigum kon i monia sinbá moibog mokidongog, mopia andeka diá mopia in wakutunea. Popoyakindon in intau, bo poguman onu inta noitaḷá, bo umuraibí iropotai in mosia. Mokoposabar in motundú kon i monia.

TITUS 2:7

Bo kon bayongan in yagi-yagi, oaidmu in musti mobaḻí dodayanan inta mopia kon i monia. Aka motundú in iko yo mustibí mokopojujur bo totu-totuu motundú.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.

PETRUS 1 1:12

Ki Allah ain noguman kon nabi mita tatua, kon onu in pinomia monia tatua, deemanbí inaidan monia sin kopontingan monia tontaní, táe kopontinganbí monimu, tua in soaḷ mita inta tanaa mako ain dinongog monimu notarang nongkon intau mita inta nopoyaput in Habar Mopia soaḷ ki Yesus Kristus. Mosia in nopoyaput intua komintan kon i monimu takin kawasa in Roho i Allah inta pinotabá-Nea mangoi nongkon soroga. Bo umpakabí malaekat mita yo moibogbí doman totok monotaau kon habar inta pinoyaput monia tua.

PETRUS 1 1:22

Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.

YOHANES 1 3:18

Adíku mita! Donaaibí in kita motabi tongá kon bibig ande tongá kon singog, táe poniatabí in tabi tatua kon oaid naton.

HAKIM MITA 16:15

Onda intua ki Delila noguman kon inia, “Ah, kainimu iko in motabi kon inakó táe ginamu in deemanbí kon inakó! Kotoḷudon in iko nopoyambá kon inakó, bo umaai in tanaa iko in doí doman mopotaau kon inakó nongonu sin iko in totokbí in moropot námai tua.”