KORINTUS 2 6:5 - Alkitab Singog In Mongondow Masa In Tanaa

⁵ kami in sinikisa, pinobonu kon ponjara, iḷoḻibutan binongkug, kami totok in mogaid, mokakit in diá mosiug bo mokakit doman in kodaitan kaanon.

KORINTUS 2 6:5 Mawu Ofanana

DATU MITA IMITÁNEA 22:27

Poki pobonudon kon i monia in sia kon ponjara, bo tongádon ogoian in kaanon bo inumon tumongo piḻik modapot in akuoi mobui mangoi takin mosaḷamat.”

TAWARIKH 2 16:10

Tosingogon i Nabi Hanani tatua nokotorú totok kon i Asa nodapot in pinobonunea kon ponjara in nabi tatua. Kon dodai intua ki Asa in nopororigadon kon tongonumai in rayatnea.

YESAYA 53:5

Táe sia in pinaḻían popisí in dosa mita naton, bo binongkug popisí in aid naton inta moraat. Sia in ihukum sinbá kita in posaḷamaton, popisí in awaknea inta nobuog tua dá kita in inundaman.

YEREMIA 33:1

Kon dodai in akuoi sinahang kon palas, akuoi in nokouḻí kon koyow nongkon i Tuhan

YEREMIA 38:6

Bo ginamá monia in akuoi bo sinuntun monag monia in akuoi kon bonu in parigí i Malkia ki adí ḷoḷaki i datu, inta noiukat kon palas in komaḻig. Diábí in tubig kon bonu in parigí tatua, tongá yoná, bo akuoi in noibonu kon yoná tatua.

YEHEZKIEL 3:17

“Ei intau ilo-ilow, iko in duíon-Ku mobaḻí moḷoḷukad in bangusa in Israel. Poyaputdon kon i monia in tompoingat inta inogoi-Ku tanaa.

MATIUS 14:10

Binayáneadon pinoki pongko in uḷu i Yohanes inta kon ponjara.

MATIUS 14:3

Sin ki Yohanes ain pinoki domok bo pinoki tokig i Herodes bo binonunea kon ponjara. Soaḷ tatua noyotogot in persoalan i Herodias, ki buḷoi i Pilipus ki utatnea.

MATIUS 9:15

Ki Yesus noḻibó bui kon i monia, “Motaau degá aka nonikaan ḷoḷaki koyotaki-takinpa monia bo yobayatnea mita morobonoḷdon in dodob? Tantú diábí! Oyúonbí in wakutunea nonikaan tatua gamáan nongkon sigad monia. Bain kon wakutu intuata bo mopuasa in mosia.

OUMAN IN RASUL MITA 13:3

Naonda in nopaḷutdon nopuasa bo nosambayang in mosia, binarakatandon monia in ki Barnabas bo ki Saulus bo poḷat pinotabá minayá in taya dua.

OUMAN IN RASUL MITA 14:19

Tongá dodai intua namangoidon in intau mita Yahudi kon Listra. Mosia nongkon Antiokhia kon Pisidia bo nongkon Ikonium bo mopongaru kon intau moantó tatua sinbá dumudui kon i monia. Bo ki Paulus in inarab monia in batu poḷat dinia pinoḷuai kon kotá. Bo kai monia kamai ain bidon minatoi,

OUMAN IN RASUL MITA 14:23

Pomuḷoi in jamaat pinomiḻíandon i Paulus bo i Barnabas kon intau mita inta baḻíon itoi in jamaat tatua. Sinambayangan monia poḷat pinopuasaan bo pinosarakan monia kon i Tuhan inta pinirisaya monia tua.

OUMAN IN RASUL MITA 17:5

Táe nokoontongmai kon natua, intau mita in Yahudi totok nongointoi. Dá nogoinídon in mosia kon bayongan intau moraat kon tua inta tongá umuran moyo-moyosipun sin diá kooaidan bo pinarenta monia nongacau kon bayongan kotá kon tua bo minayá nonuntun kon baḷoi i Yason intau inta nopirisayadon kon i Tuhan Yesus poḷat notayak kon i Paulus bo kon i Silas sin bayáan potayow kon intau moantó.

OUMAN IN RASUL MITA 20:31

Tuamai umuran kiḷuka-ḷukadmai bo toropdon saḷaḷu kon akuoi in toḷu notaong, doḷom bo singgai in diábí dodai onda in nogogai nononggina kon i monimu komintan takin koomba-ombaḷ doman.

OUMAN IN RASUL MITA 23:10

Nodugangdon noḷoben in bobayowan monia tatua, dá noondokdon itoi in tontara tatua sin dikabo ḻibutan monia in ki Paulus bo patoion. Tuamai binayáneadon pinoki gamá in ki Paulus nongkon yuak monia tatua bo pinoki dia bui kon tampat monia tua.

OUMAN IN RASUL MITA 23:35

sia in noguman nanaa, “Tua in nopia! Pirikisaanku in taḷámu aka intau mita inta mopongadu kon inimu kon naadon.” Bo pinarentaanneadon kon bá tahangon kon komaḻig i Herodes in ki Paulus.

OUMAN IN RASUL MITA 24:27

Táe naonda in notompodon doyowa notaong in ki Peliks nobaḻí gubernur, binaḷuiandon in sia i Perkius Pestus. Bo popisí in modondouḷug kon intau in Yahudi dá pinomayádon mako i Peliks in ki Paulus kon bonu in ponjara.

OUMAN IN RASUL MITA 26:10

Bo totuubí kon tuabí in inaidanku kon Yerusalem. Akuoi in deemanbí tongá nopobonu kon ponjara kon intau mita inta mopirisaya kon i Yesus, táe naonda in akuoi nokouḻí kon surat kawasa nongkon imang mita itoi, akuoi mosatuju doman totok in poḻimodan kon intau inta mopirisaya kon i Yesus.

OUMAN IN RASUL MITA 26:29

Dá tubag doman i Paulus, “Sambayanganku kon i Allah sinbá moonggot ande motoyong, ki Tuang takin bayongan intau inta nokodongog kon singogku singgai naa in modait mobaḻí ná akuoi naa – táe deemanbí tokigon ná tanaa!”

OUMAN IN RASUL MITA 28:30

Doyowa notaong ki Paulus in nogutun kon butá in Rum kon baḷoi inta ain sinebaannea tontaní. Sia in notarima kon intau inta mamangoi kon inia.

OUMAN IN RASUL MITA 5:18

Dá sinoko domok monia in rasul mita tatua bo binonu kon ponjara kon kotá tatua.

KORINTUS 1 15:10

Tongá sinotabipabí i Allah, dá oyúonpa komangoi in tanaa. Bo totabi i Allah kon inakó in diábí inta diá in mangaḻenea. Sin akuoibí in moraji-morajing kon sigad in rasul mita ibanea. Táe sabanarnea in deemanbí tongá uḷatku tontaní; táe nongkon i Allahbí inta ain nonotabi kon inakó bo siabí doman inta ain nogaid noyotakinku.

KORINTUS 1 4:11

Umaai in naa umuranpabí in kami gogoyon bo moyogang in bayongan yagi-yagi; ḷambung dongkadon kon awak bo rorigaanpa doman in intau; bo diá doman kotampat pogutunan;

KORINTUS 1 7:5

Doyowa motonibuḷoi in diábí motaau in mosiyayúan. Motaaubí asaḷbo muna moyosingog bo diá motaau moonggot. Aka natua yo doyowa motonibuḷoi in tumpaḷa motaau mosisambayangan. Tongá naonda intua moiko in mustibí bui motobatú saḷaku doyowa motonibuḷoi. Sin aka diá natua yo koonggotannea kogonúanbí in roho inta diá mopia, sin diá mokotahang kon ibog in awak.

KORINTUS 2 11:27

Rumopot totok in akuoi in mogaid, dá mokakit in diádon mokoposiug, diádon mokopongaan, diádon mokoponginum, bo mokakit domandon in monahang tonow sin diádon koḷambu-ḷambung pakéon bo diá domandon in baḷoi pogutunan.

EPESUS 3:1

Akuoi ki Paulus, pinonjara popisí in nogaid kon oaidan i Kristus Yesus sin kopontingan monimu intau inta deeman Yahudi.

ULANGAN 25:3

táe diábí motaau in moiḻiu kon koopat nopuḷú sambokon. Aka moiḻiu, dá mangaḻenea kon tua intau tatua siningkuḻedon kon tayowon in intau mobayong.

PILIPI 1:13

Tuamai in bayongan intau kon komaḻig bo intau mita ibanea inta kon kotá tanaa nonotaaudon kon akuoi in pinobonu kon ponjara popisíbí in dinumudui kon i Kristus.

TESALONIKA 1 2:9

Tantú kinotoropanpabí monimu uḻe utat mita naonda in pinogogaid bo pinororamuji nami. Doḷom bo singgai kami in mogaid sinbá diá tobatúmai in kon sigad monimu in mororiga wakutu in kami nopoyaput in Habar Mopia inta nongkon i Allah kon i monimu.

TIMOTIUS 1 4:10

Manangka intua kita in musti moramuji mogaid, sin kita in tongábí moharap mako kon i Allah inta nobiag; Sia tuata inta mopoposaḷamat kon bayongan in intau, muna-munamai mosia inta mopirisaya.

TIMOTIUS 2 1:8

Manangka intua dikabí moondok in mopotaau bo moguman kon onu inta inaidan i Tuhan naton. Dika doman mooyá, sin akuoi in pinobonu kon ponjara popisíbí in mopirisaya kon i-Nia, táe pakébí in ropot inta inogoi i Allah motanggung moyotakin kon roriga sin mopoyaput in Habar Mopia tatua.

TIMOTIUS 2 2:9

Bo lantaranbí nopotaau in Habar Mopia tanaa dá akuoi in nokouḻí kon roriga, nodapot in sinokig naonda bo intau moraat, táe pirman i Allah in diábí motaau tokigon monia ná akuoi.

TIMOTIUS 2 4:5

Manangka intua uḻe kawasaai in ginamu, onukabí in mobaḻí. Mokoposabar aka koantugan in yoyiga, umurai aidai in oaidanmu saḷaku intau inta mopopotaau in Habar Mopia tatua. Kopirabí totok in mogaid kon oaidan inta ain inogoi i Tuhan kon inimu.

IBRANI 11:36

Oyúon in irupa-rupamai, sinambok, sinogot in rante bo pinobonu kon ponjara.

IBRANI 13:17

Duduiaibí onu in pinarenta in itoi mita monimu bo kodu-kodudui doman kon i monia. Sin mosia in umuran monarukira mako kon kobiaganmu bo mustibí in mosia motanggung jawab kon i Allah. Aka moiko bo motoindudui kon i monia, dá mosanangbí in gina monia in mogaid, táe aka diá yo monakit in gina monia in mogaid, bo tua in diábí mobogoi in kauntungan kon i monimu.

IBRANI 13:23

Musti kotaauanmu, kon ki Timotius ki utat naton in pinobebasdon nongkon ponjara. Aka moiangoidon in sia kon inakó, dá diaankubí in sia aka mamangoidon in akuoi mokipodungkuḷ kon i monimu.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.