KORINTUS 2 6:17 - Alkitab Singog In Mongondow Masa In Tanaa

¹⁷ Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.

KORINTUS 2 6:17 Mawu Ofanana

YESAYA 52:11

Bayádon! Taḷaaidon in kotá in Babel, ei moiko inta nodia kon pakakat mita in Baḷoi i Allah! Dikadon moḻiai kon pakakat inta nonajis: potusidon in awakmu kon dodai in diápa mobuat.

WAHYU 18:4

Bo akuoi in nokodongog kon singog ibanea nongkon soroga noguman nanaa, “Ḷuaidon, umat-Ku! Ḷuaidon nongkon bonunea! Sinbá moiko in diádon dumudui mogaid kon dosanea mita, bo moitakin motanggung kon hukumannea!

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

EZRA 10:11

Tuamai, akudon in dosamu kon i Tuhan, Allah inta sinumba in mogoguyang naton, bo aidaidon onu inta mokosanang kon gina-Nea. Pokoyayúdon kon intau ibanea inta nogutun butá naton bo untundon in ki buḷoimu mita inta nongkon bangusa ibanea tatua.”

PINOGIAPAN 16:26

Ki Musa noguman kon intau mita in Israel, “Ḷuaidon nongkon ḷoḷaigan in intau mita inta moraat tanaa bo dika doman moḻiai kon kapunyaan monia. Aka moiko doí dumudui, yo moiko in yopúon poyotakinon monia popisí in dosa mita monia.”

AMSAL 9:6

Taḷaaidon in kobobodok, sinbá mosanang in iko. Duduiaidon in daḷan in intau moarip.”

OUMAN IN RASUL MITA 2:40

Natuata pinogoginsilang i Petrus kon i monia. Bo nobarongpa doman in tongginanea ibanea inta monongganut kon i monia sinbá umukatdon kon bangusa mita inta moraat inta toko hukumon i Allah.

YEREMIA 51:6

Posaḷamatdon in awakmu! Poḷaguidon nongkon Babel, dika modapot in moiko moitakin koḻimodan popisí in dosanea! Sin naadon in wakutunea Akuoi motuḻí kon aid moraat in Babel, bo mohukum kon inia podudui in oaidnea.

EZRA 6:21

Kuruban mita tatua in kinaan in bayongan in intau Israel inta nobuidon nongkon pinoḷumbúan bo in intau mita inta nogutun kon tua inta ain nonaḷámai kon kobobiag monia inta binaradosa bo namangoi sin mosumba kon i Tuhan, Allah in Israel.

PINOGIAPAN 16:21

“Undokdon in moiko nongkon intau mita tanion; Yopúon-Kudon in mosia nion tanaa doman mako.”

PINOGIAPAN 16:45

“Pokoyayúdon kon intau mita tanion. Yopúon-Kudon in mosia nion kon tampat doman tanion!” Taya dua tua dinumokó bo nosumba,

SURAT I PAULUS KON JAMAAT RUM 15:7

Manangka intua poigumonku kon i Utat mita, moiko in musti umuran mositarimaan takin sanang in gina, notongkai ná pinototarima i Kristus kon i naton sin mopomulia kon i Allah.

YEREMIA 15:17

Akuoi in diábí sinumakin nobarasanang takin intau mita inta noyosipun sin moyambá. Popisí in motoḷutui kon ini-Mu dá sinumontaní in akuoi takin sinumorú.

ULANGAN 14:6

bo bayongan mahaḷuk inta konukunea nobotak bo umuran mongongguyom.